നെയ്യാറ്റിന്കര: സിപിഎം നടത്തുന്ന ആക്രമണങ്ങള്ക്ക് പോലീസ് സംരക്ഷണം നല്കുന്നുവെന്ന് ബിജെപി പാറശ്ശാല മണ്ഡലം പ്രസിഡന്റ് കൊല്ലയില് അജിത്ത് കുമാര് ആരോപിച്ചു. സിപിഎം ഭരണത്തില് കയറിയതു മുതല് പാറശാല മണ്ഡലത്തിലെ വിവിധ പ്രദേശങ്ങളില് അക്രമം അഴിച്ചുവിടുകയാണ്. വെള്ളറടയിലും മഞ്ചവിളാകത്തും അക്രമം തുടരുന്നു.
വെള്ളറടയില് ബിജെപി പ്രവര്ത്തകനെ കൊല്ലപ്പെടുത്താന് ശ്രമിച്ച കേസിലെ പ്രതികളായ സിപിഎം പ്രവര്ത്തകരുടെ പേരുകള് തെളിവുസഹിതം പരാതിപ്പെട്ടിട്ടും പ്രതികളെ പോലീസ് പിടികൂടുന്നില്ല. പോലീസ് സംരക്ഷണത്തിന്റെ ബലത്തിലാണ് ക്ഷേത്രഘോഷയാത്രയ്ക്കിടെ എസ്എഫ്ഐ അഴിഞ്ഞാടിയതെന്നും അജിത്കുമാര് ആരോപിച്ചു. ഘോഷയാത്ര അലങ്കോലപ്പെടുത്താന് ശ്രമിച്ച കേസിലെ പ്രതികളെ ഉടന് അറസ്റ്റുചെയ്യണമെന്ന് ബിജെപി പാറശാല മണ്ഡലം കമ്മറ്റി ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: