ബിഎംഎസ് കണ്ണൂര്‍ ജില്ലാ സമ്മേളനം: നാളെ ആരംഭിക്കും

Thursday 1 February 2018 8:46 pm IST

 

കണ്ണൂര്‍: ബിഎംഎസ് കണ്ണൂര്‍ ജില്ലാ സമ്മേളനം നാളെ കണ്ണൂരില്‍ ആരംഭിക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. നാളെ വൈകുന്നേരം 3.30 ന് തൊഴിലാളി പ്രകടനം നടക്കും. കണ്ണൂര്‍ സെന്റ്‌മൈക്കിള്‍സ് ഗ്രൗണ്ടില്‍ നിന്നും പ്രകടനം ആരംഭിക്കും. തുടര്‍ന്ന് 5 മണിക്ക് സ്റ്റേഡിയം കോര്‍ണ്ണറില്‍ നടക്കുന്ന പൊതുസമ്മേളനം ബിഎംഎസ് സംസ്ഥാന ജനറല്‍ സെക്രട്ടറി എം.പി.രാജീവന്‍ ഉദ്ഘാടനം ചെയ്യും. ജില്ലാ പ്രസിഡണ്ട് അഡ്വ.കെ.പി.സുരേഷ് കുമാര്‍ അധ്യക്ഷത വഹിക്കും. സംസ്ഥാന സെക്രട്ടറി പി.ശശിധരന്‍, ജില്ലാ സെക്രട്ടറി സി.വി.തമ്പാന്‍ എന്നിവര്‍ സംസാരിക്കും.

 4ന് രാവിലെ 9.30 ന് സ്വര്‍ഗ്ഗീയ സി.കെ.രാമചന്ദ്രന്‍ നഗറില്‍(ജവഹര്‍ ഓഡിറ്റോറിയത്തില്‍ പതാക ഉയര്‍ത്തുന്നതോടെ പ്രതിനിധി സമ്മേളനം ആരംഭിക്കും. പ്രതിനിധി സമ്മേളനം ബിഎംഎസ് സംസ്ഥാന പ്രസിഡണ്ട് കെ.കെ.വിജയകുമാര്‍ ഉദ്ഘാടനം ചെയ്യും. അഡ്വ.കെ.പി.സുരേഷ് കുമാര്‍ അധ്യക്ഷത വഹിക്കും. ആര്‍എസ്എസ് സഹപ്രാന്ത സംഘചാലക് അഡ്വ.കെ.കെ.ബാലറാം, ബിഎംഎസ് സംസ്ഥാന വൈസ് പ്രസിഡണ്ട് കെ.ഗംഗാധരന്‍ എന്നിവര്‍ സംസാരിക്കും. സി.വി.തമ്പാന്‍ സംഘടനാ റിപ്പോര്‍ട്ടും കെ.രാജന്‍ സാമ്പത്തിക റിപ്പോര്‍ട്ടും അവതരിപ്പിക്കും. എം.പി.രാജീവന്‍ സംഘടനാ ചര്‍ച്ച നയിക്കും. തുടര്‍ന്ന് പുതിയ ഭാരവാഹികളെ പ്രഖ്യാപിക്കും. ബിഎംഎസ് സംസ്ഥാന സംഘടനാ സെക്രട്ടറി സി.വി.രാജേഷ് സമാപന പരിപാടിയില്‍ സംസാരിക്കും. 

 നാളെ നടക്കുന്ന പ്രകടനത്തില്‍ 16 മേഖലകളെ പ്രതിനിധീകരിച്ച് പ്രവര്‍ത്തകര്‍ അണിനിരക്കും. പ്രകടനത്തിന് പ്രവര്‍ത്തകരേയും വഹിച്ച് വരുന്ന വാഹനങ്ങള്‍ പഴയ ബസ് സ്റ്റാന്റ് പരിസരം, എല്‍ഐസി റോഡ് എന്നിവിടങ്ങളില്‍ പാര്‍ക്ക് ചെയ്യേണ്ടതാണെന്ന് ഭാരവാഹികള്‍ അറിയിച്ചു.

 വാര്‍ത്താ സമ്മേളനത്തില്‍ ബിഎംഎസ് ജില്ലാ പ്രസിഡണ്ട് അഡ്വ.കെ.പി.സുരേഷ് കുമാര്‍, ജില്ലാ സെക്രട്ടറി സി.വി.തമ്പാന്‍, ജില്ലാ ജോയിന്റ് സെക്രട്ടറി എം.വേണുഗോപാല്‍, മേഖലാ പ്രസിഡണ്ട് കെ.കെ.ശ്രീജിത്ത് എന്നിവര്‍ പങ്കെടുത്തു. 

 

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.