കൊച്ചി: കുമളി പുറ്റടിയിലുള്ള സ്പൈസസ് പാര്ക്കിലെ നവീകരിച്ച ഇലക്ട്രോണിക് ലേലകേന്ദ്രത്തില് ഇ-ലേലം ഉടന് പുനരാരംഭിക്കുമെന്ന് സ്പൈസസ് ബോര്ഡ്. ഇപ്പോള് തമിഴ്നാട്ടിലെ ബോഡിനായ്ക്കന്നൂരിലാണ് ലേലം നടക്കുന്നത്.
ഏല ലേലത്തിന്റെ സുതാര്യതയ്ക്ക് വേണ്ടിയാണ് സ്പൈസസ് ബോര്ഡ് 2007ല് പുറ്റടിയിലും തമിഴ്നാട്ടിലെ ബോഡിനായ്ക്കന്നൂരിലും ഇ-ലേല കേന്ദ്രങ്ങള് ആരംഭിച്ചത്. ബോഡിനായ്ക്കന്നൂരില് പുതിയ കെട്ടിടം പണിതപ്പോള് അവിടെ നവീകരിച്ച ഇ-ലേല കേന്ദ്രം പ്രവര്ത്തനമാരംഭിച്ചു. പുറ്റടിയിലെ ഇ-ലേല കേന്ദ്രം നവീകരണം പുരോഗമിക്കുകയാണ്. നവീകരണം പൂര്ത്തീകരിച്ചാല് ഉടനെ മികച്ച സേവനം ഇ-ലേലത്തില് ഒരുക്കാന് കഴിയുമെന്ന് സ്പൈസസ് ബോര്ഡ് അറിയിച്ചു.
പ്രതികരിക്കാൻ ഇവിടെ എഴുതുക: