കൊച്ചി: ഇരിങ്ങാലക്കുടയില് സഹോദരിയെ ശല്യം ചെയ്തത് ചോദ്യം ചെയ്ത യുവാവിനെ കൊലപ്പെടുത്തിയ കേസിലെ പ്രതി ആത്മഹത്യയ്ക്ക് ശ്രമിച്ചു. സ്വാമി എന്ന് വിളിപ്പേരുള്ള മിഥുനാണ് ഇന്ന് രാവിലെ പെണ്കുട്ടിയുടെ വീടിന് മുന്നിലെത്തി കൈ ഞരമ്ബ് മുറിച്ച് ആത്മഹത്യയ്ക്ക് ശ്രമിച്ചത്.
ജനുവരി 28-ന് ഇരിങ്ങാലക്കുട ബസ് സ്റ്റാന്ഡിലെ ഓട്ടോ സ്റ്റാന്ഡില് വച്ചാണ് കൊരുമ്ബിശ്ശേരി സ്വദേശി പുതുക്കാട്ടില് സുജിത് വേണു ഗോപാലിനെ ഓട്ടോ ഡ്രൈവറായ മിഥുന് ഇരുമ്ബുവടി കൊണ്ട് തലയ്ക്കടിച്ചുവീഴ്ത്തിയത്. സുജിത്തിന്റെ മാതൃസഹോദരിയുടെ മകളെ ശല്യം ചെയ്തതുമായി ബന്ധപ്പെട്ട് ഇരുവരും തമ്മില് മുമ്ബും വാക്കുതര്ക്കമുണ്ടായിട്ടുണ്ട്. ഇപ്രാവശ്യം വാക്കുതര്ക്കത്തെ തുടര്ന്ന്, ഓട്ടോയില് സൂക്ഷിച്ചിരുന്ന ഇരുമ്ബുവടി ഉപയോഗിച്ച് തലയ്ക്കടിക്കുകയായിരുന്നു. ഗുരുതര പരിക്കുകളോടെ സുജിത്തിനെ ആശുപത്രിയില് പ്രവേശിപ്പിച്ചിരുന്നെങ്കിലും പിന്നീട് മരിക്കുകയായിരുന്നു.
കൊലപാതകവുമായി ബന്ധപ്പെട്ട് മിഥുനെ പിടികൂടാനായി പോലീസ് ലുക് ഔട്ട് നോട്ടീസ് പുറത്തിറക്കിയെങ്കിലും ഇയാള് ഒളിവില് പോയിരുന്നു. എന്നാല് ഇന്ന് ഇയാള് പെണ്കുട്ടിയുടെ വീടിന് മുന്നിലെത്തി ആത്മഹത്യയ്ക്ക് ശ്രമിച്ചു. നാട്ടുകാര് വിവരമറിയിച്ചതനുസരിച്ച് സ്ഥലത്തെത്തിയ പോലീസ് മിഥുനെ ഇരിങ്ങാലക്കുട സഹകരണ ആശുപത്രിയില് പ്രവേശിപ്പിച്ചു. ഇയാളുടെ പരിക്ക് ഗുരുതരമല്ലെന്ന് ആശുപത്രി അധികൃതര് അറിയിച്ചു.
സംഭവത്തില് പ്രതിയുടെ ആത്മഹത്യാ കുറിപ്പ് കണ്ടെത്തി. സംഭവത്തില് താന് കൊല്ലാണമെന്ന് കരുതി ചെയ്തതല്ലെന്നും ആദ്യമായാണ് ഒരാളെ തല്ലുന്നതെന്നും മിഥുന്റെ ആത്മഹത്യാകുറിപ്പില് പറയുന്നു.
ആത്മഹത്യാ കുറിപ്പിന്റെ പൂര്ണരൂപം
അറിഞ്ഞു കൊണ്ട് ചെയ്തതല്ല പറ്റിപോയി ഒരിക്കലും തിരുത്താന് പറ്റാത്ത തെറ്റാണ് ആ തെറ്റിന് എന്റെ ജീവനല്ലാതെ വേറൊന്നും തരാനില്ല എനിക്ക് ഒരാള് നമ്മുടെ മുഖത്ത് നോക്കി പലവട്ടം ശിഖണ്ഡി എന്നൊക്കെ വിളിക്കുമ്ബോള് ആരായാലും പ്രതികരിക്കില്ലേ അവന് മരിക്കണം എന്ന് ചിന്തിച്ചിട്ട് പോലുമില്ല ഞാന് സത്യം പറഞ്ഞാല് ഒരു സ്വപ്നം കണ്ടപോലെ ആണ് എനിക്കിപ്പോഴും തോന്നുന്നത്.
എനിക്ക് വിശ്വസിക്കാന് കഴിയുന്നില്ല ജീവിതത്തില് ആദ്യമായാണ് ഒരാളെ അടിക്കുന്നത് അയാള് മരിക്കന്നു എന്റെ അവസ്ഥ ആലോചിച്ചു നോക്കു എത്ര ഭീകരമായ അവസ്ഥ ആണെന്ന്. പിന്നെ നിന്റെ ചേച്ചിയെ ഒരിക്കലും ഞാന് ശല്യം ചെയ്തിട്ടില്ല, എനിക്ക് ഇഷ്ടമാണെന്നോ ഇഷ്ടപ്പെടണം അങ്ങനെ ഒന്നും ഞാന് പറഞ്ഞിട്ടില്ല. ഒരു നോട്ടം കൊണ്ട് പോലും അതിനെ തെറ്റായി ഞാന് കണ്ടിട്ടില്ല.
അവളെ പോലെ ഒരു നല്ല കുട്ടിയെ ഭംഗി കൊണ്ടല്ല സ്വഭാവം കൊണ്ട് ഇതുവരെയുള്ള ലൈഫില് ഞാന് കണ്ടിട്ടില്ല. എന്തുകൊണ്ടാണ് അവള് എന്റെ കണ്ണില് ഒരു ഭ്രാന്തായി മാറിയതെന്ന് അറിയോ അവസാന കാലം വരെ കൂടെ ഉണ്ടാകും എന്നുള്ള ഉറപ്പ്.
ഇപ്പോഴത്തെ കുറെ പെണ്കുട്ടികള് ഉണ്ട് നാല് ദിവസം ഭര്ത്താവിന്റെ കൂടെ അഞ്ചാം ദിവസം അവര് വേറെ ആരുടെ എങ്കിലും കൂടെ ആകും. അങ്ങനെ ആകില്ല എന്നുറപ്പുള്ളത് കൊണ്ട് അതുപോലെയുള്ള അമ്മയെ ഭാര്യയെ മകളെ കിട്ടാന് പുണ്യം ചെയ്യണം. എന്തായാലും എല്ലാം കഴിഞ്ഞു.
വേഗം ഒരു ജോലിക്ക് പോയി ചേച്ചിക്ക് ഹെല്പ് ചെയ്യണം എല്ലാവരോടും ഗുഡ് ബൈ. ചെയ്തു പോയ തെറ്റിന് എന്റെ ജീവനെ നിങ്ങള്ക്കു തരാന് ഉള്ളു അതില് കുറഞ്ഞു എന്തു തന്നാലും മതിയാവില്ല എന്നെനിക്കറിയാം. ഒരു മനുഷ്യന് എന്റെ കൈ കൊണ്ട് ഇല്ലാതായിട്ട് എനിക്കൊരിക്കലും ജീവിക്കാന് കഴിയില്ല. വേദനിപ്പിച്ചതിനു ഒരിക്കല് കൂടെ മാപ്പ് പറയാണ്, ഓള് ഓഫ് യു, താങ്ക് യു ആന്റ് ഗുഡ് ബൈ.
പ്രതികരിക്കാൻ ഇവിടെ എഴുതുക: