കുടമാളൂര്: പമ്പുചെയ്യുന്ന കുടിവെള്ളം ആറ്റിലേയ്ക്കൊഴുക്കി ജലഅതോറിട്ടിയുടെ ക്രൂരവിനോദം. കുടമാളൂര് പമ്പ് ഹൗസിനു സമീപമാണ് ഇങ്ങനെ വലിയ അളവില് കുടിവെള്ളം പാഴാകുന്നത്. കഴിഞ്ഞ ഒരാഴ്ചയിലേറെയായി ഇതാണ് അവസ്ഥ.
ഇവിടെനിന്നും പമ്പുചെയ്ത് മെഡിക്കല് കോളേജിലേയ്ക്കു കൊണ്ടുപോകുന്ന ജലവിതരണക്കുഴലിലെ ചോര്ച്ചയാണ് കുടിവെള്ളം പാഴാകാന് കാരണം. പാലത്തിനു മുകളിലൂടെ സ്ഥാപിച്ചിരിക്കുന്ന വലിയ കുഴലിന്റെ ജോയിന്റിലുണ്ടായ തകരാറാണ് ചോര്ച്ചയ്ക്കു കാരണം.
ഇവിടെനിന്നാണ് മെഡിക്കല് കോളേജിലേയ്ക്കും അയ്മനം പഞ്ചായത്തിന്റെ വിവിധ ഭാഗങ്ങളിലേയ്ക്കും വെള്ളം പമ്പ് ചെയ്യുന്നത്. വേനല് കനത്തതോടെ ആറ്റിലെയും സമീപ തോട്ടിലെയും ജലനിരപ്പും ആശങ്കാജനകമാം വിധം താഴ്ന്നിട്ടുണ്ട്. ഈ സാഹചര്യത്തില് തകരാര് വേഗം പരിഹരിക്കണമെന്നാണ് നാട്ടുകാരുടെ ആവശ്യം.
പ്രതികരിക്കാൻ ഇവിടെ എഴുതുക: