മുംബൈ: ക്രിക്കറ്റ് ഇതിഹാസം സച്ചിന് തെന്ഡുല്ക്കറുടെ മകള് സാറ തെന്ഡുല്ക്കറുടെ പേരില് വ്യാജ ട്വിറ്റര് അക്കൗണ്ട് ഉണ്ടാക്കിയ സോഫ്റ്റ്വെയര് എന്ജിനിയര് അറസ്റ്റില്. മുംബൈ അന്ധേരി മാരോള് സ്വദേശി നിതിന് സിസോദ് (39) ആണു പിടിയിലായത്. നിതിന്റെ ലാപ്ടോപ്, രണ്ടു മൊബൈല് ഫോണ്, റൂട്ടര്, മറ്റു കംപ്യൂട്ടര് ഉപകരണങ്ങള് എന്നിവ പോലീസ് പിടിച്ചെടുത്തു.
ഐടി നിയമം, ഐപിസി വകുപ്പുകള് പ്രകാരമാണു കേസെടുത്തിട്ടുള്ളത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു. സച്ചിന്റെ പഴ്സനേല് അസിസ്റ്റന്റിന്റെ പരാതിയെത്തുടര്ന്നാണ് അറസ്റ്റ്. ലണ്ടനില് പഠിക്കുകയാണു സാറ.
@sarasachin_rt എന്ന അക്കൗണ്ടില് ഇന്ത്യന് രാഷ്ട്രീയക്കാരെ കുറിച്ചു നിരവധി പരാമര്ശങ്ങളാണുള്ളത്. അന്വേഷണത്തില് ഇത് വ്യാജ അക്കൗണ്ട് ആണെന്നു മനസ്സിലായതിനെത്തുടര്ന്നാണ് പോലീസ് അന്വേഷണം പ്രഖ്യാപിച്ചത്.
പ്രതികരിക്കാൻ ഇവിടെ എഴുതുക: