കോട്ടയം: റബ്ബര്ബോര്ഡ് നടത്തുന്ന വിവിധ പരിശീലനപരിപാടികളെക്കുറിച്ചറിയാന് റബ്ബര്ബോര്ഡിന്റെ കോള്സെന്ററുമായി ബന്ധപ്പെടാം. കര്ഷകരുടെയും സംരംഭകരുടെയും മറ്റു പരിശീലനാര്ത്ഥികളുടെയും ചോദ്യങ്ങള്ക്ക് റബ്ബര് ട്രെയിനിങ് ഇന്സ്റ്റിറ്റ്യൂട്ട് ഡയറക്ടര് പി.സുധ നാളെ രാവിലെ 10 മുതല് ഉച്ചയ്ക്ക് ഒരുമണി വരെ മറുപടി പറയുന്നതാണ്. കോള് സെന്റര് നമ്പര് 0481 2576622 ആണ്.റബ്ബര്തോട്ടങ്ങളിലെ കൃഷിപ്പണികള്, കീടരോഗനിയന്ത്രണം, വിളവെടുപ്പ്, സംസ്കരണം, ഉത്പന്നനിര്മാണം, ഇടവിളകള്, തേനീച്ചവളര്ത്തല് തുടങ്ങി വിവിധ വിഷയങ്ങളില് റബ്ബര്ബോര്ഡ് പരിശീലനപരിപാടികള് നടത്തുന്നു. ശാസ്ത്രീയമായി റബ്ബര്കൃഷി ചെയ്യുന്നതിനും സ്വയംതൊഴില്സംരംഭങ്ങള് തുടങ്ങുന്നതിനും പരിശീലനപരിപാടികള് ഏറെ സഹായകമാണ്. കോള് സെന്ററിന്റെ പ്രവര്ത്തനസമയം തിങ്കള് മുതല് വെള്ളി വരെയുള്ള എല്ലാ പ്രവൃത്തിദിവസങ്ങളിലും രാവിലെ 9.30 മുതല് വൈകുന്നേരം 5.30 വരെയാണ്.
പ്രതികരിക്കാൻ ഇവിടെ എഴുതുക: