കസന്ഗഞ്ച് : ഉത്തര്പ്രദേശില് റിപ്പബ്ലിക് ദിന റാലിക്കിടെ ചന്ദന് ഗുപ്ത കൊല്ലപ്പെട്ട സംഭവത്തില് ഒരു പ്രതികൂടി കോടതിയില് കീഴടങ്ങി. ആസിഫ് ജിംവാല എന്നയാളാണ് യുപി ചീഫ് ജുഡീഷ്യല് മജിസ്ട്രേറ്റ് മുമ്പാകെ കീഴടങ്ങിയത്. പ്രതിയെ ജയിലിലേക്ക് അയച്ചെന്ന് പോലീസ് സൂപ്രണ്ട് പീയുഷ് ശ്രീവാസ്തവ അറിയിച്ചു.
റിപ്പബ്ലിക് ദിനത്തിലെ മോട്ടോര് സൈക്കിള് റാലിയില് പങ്കെടുക്കവേ വെടിയേറ്റാണ് ഗുപ്ത മരിച്ചത്. സംഭവത്തെ തുടര്ന്ന് കസ്ഗഞ്ചില് വര്ഗ്ഗീയകലാപം ഉണ്ടായി. കലാപകാരികള് രണ്ട് ബസ്സുകളും, ഒരു കാറും മൂന്ന് കടകളും അഗ്നിക്കിരയാക്കി.
ഗുപ്തയെ വെടിവെക്കാന് ഉപയോഗിച്ച തോക്ക് പോലീസ് കഴിഞ്ഞ ദിവസങ്ങളില് കണ്ടെടുത്തു. കൂടാതെ മുഖ്യപ്രതി ഉള്പ്പടെ രണ്ടു പേര് നേരത്തെ അറസ്റ്റിലായിട്ടുണ്ട്.
പ്രതികരിക്കാൻ ഇവിടെ എഴുതുക: