പയ്യാവൂര്: ചെമ്പേരി ലൂര്ദ്ദ് മാതാ ഫൊറോന പള്ളിയിലെ പരിശുദ്ധ ലൂര്ദ് മാതാവിന്റെയും വിശുദ്ധ സെബസ്ത്യാനോസിന്റയും പ്രധാന തിരുനാള് തിരുനാള് ഇന്നും നാളെയും വിവിധ പരിപാടികളോടെ ആഘോഷിക്കും. ഇന്ന് രാവിലെ ഏഴിന് കുര്ബാന, വൈകുന്നേരം അഞ്ചിന് നടക്കുന്ന ആഘോഷമായ വിശുദ്ധ കുര്ബാന വചന സന്ദേശം ലദീഞ്ഞ് എന്നിവയ്ക്ക് തലശേരി അതിരൂപത സഹായമെത്രാന് മാര്: ജോസഫ് പാംപ്ലാനി മുഖ്യകാര്മ്മികത്വം വഹിക്കും. ഏഴിന് ദീപാലംകൃതമായ രഥത്തില് ചലന നിശ്ചലദൃശ്യങ്ങളുടെയും മുത്തുക്കുടകളുടെയും വാദ്യമേളങ്ങളുടെയും അകമ്പടിയോടെവിശുദ്ധരുടെ തിരുസ്വരൂപം വഹിച്ച് ടൗണ് ചുറ്റി വിശ്വാസ പ്രഘോഷണ റാലി. സമാപന ദിവസമായ നാളെ രാവിലെ ഏഴിന് കുര്ബാന, വൈകുന്നേരം 4.30 ന് നടക്കുന്ന ആഘോഷമായ കുര്ബാന വചന സന്ദേശം ലദീഞ്ഞ് എന്നിവയ്ക്ക് ഫാ.ജെയിംസ് ചെല്ലംങ്കോട്ട് കാര്മ്മികത്വം വഹിക്കും.
പെരിഞ്ചേരി ശ്രീ മഹാവിഷ്ണു ക്ഷേത്ര മഹോത്സവം
മട്ടന്നൂര്: പെരിഞ്ചേരി ശ്രീ മഹാവിഷ്ണു ക്ഷേത്ര മഹോത്സവം 19 മുതല് 26 വരെ തീയ്യതികളില് നടക്കും. 19 ന് രാവിലെ 11.30 ന് കൊടിയേറ്റം നടക്കും. രാത്രി 7.15ന് ഉണ്ണികൃഷ്ണവാര്യര് പട്ടാന്നൂര് പ്രഭാഷണം നടത്തും. 930 ന് ദീപ പാലയാട്, മഞ്ജരി മുണ്ടെക്കാട് എന്നിവര് കഥകളി പദ കച്ചേരി അവതരിപ്പിക്കും. 20 ന് രാത്രി 8.30ന് തിടമ്പ് നൃത്തം, 9.30ന് ആലപ്പുഴ ഭരത് കമ്യൂണിക്കേഷന്സ് അവതരിപ്പിക്കുന്ന നാടകം, 21 ന് വൈകുന്നേരം 7 മണിക്ക് കേളികൊട്ട്, 8.30 ന് തിടമ്പ് നൃത്തം, 22 ന് രാത്രി 8. 30 തിടമ്പ് നൃത്തം, 9.30 ന് ഹരിശ്രീ കണ്ണൂര് അവതരിപ്പിക്കുന്ന ഭജന്സ്, 23 ന് രാത്രി 9.30ന് ഉരുവച്ചാല് കാളിദാസ കലാകേന്ദ്രം അവതരിപ്പിക്കുന്ന പുരാണനാടകം യുഗസന്ധ്യ, 24 ന് രാത്രി പെരിഞ്ചേരി ശിവരഞ്ജിനി കലാക്ഷേത്രം അവതരിപ്പിക്കുന്ന നൃത്താഞ്ജലി, 25 ന് വൈകുന്നേരം 7 മണിക്ക് വാദ്യകലാ കേസരി ചെറുതാഴം ചന്ദ്രന്, കലാനിലയം ഉദയന് നമ്പൂതിരി, ചിറക്കല് നിധീഷ് എന്നിവര് ചേര്ന്ന് അവതരിപ്പിക്കുന്ന തൃത്തായമ്പക, 26 ന് കാലത്ത് 8.30 ന് ആറാട്ടെഴുന്നള്ളത്ത് എന്നിവയുണ്ടാകും.
പ്രതികരിക്കാൻ ഇവിടെ എഴുതുക: