അഗര്ത്തല: ത്രിപുരയില് ബിജെപി പ്രകടന പത്രിക പുറത്തിറക്കി. എല്ലാവര്ക്കും ജോലി, ബിരുദ തലത്തില് സ്ത്രീകള്ക്ക് സൗജന്യ വിദ്യാഭ്യാസം, എല്ലാ നിയമസഭ മണ്ഡലങ്ങളിലും സര്ക്കാര് കോളേജ്, ഇതുകൂടാതെ ഡിജിറ്റല് ഇന്ത്യ എന്ന സ്വപ്നം യാഥാര്ത്ഥ്യമാക്കാന് യുവാക്കള്ക്ക് സ്മാര്ട്ട് ഫോണ് തുടങ്ങിയവ പ്രകടന പത്രികയില് വഗ്ദാനം ചെയ്യുന്നു.
വിഷന് ഡോക്യുമെന്റ് എന്ന് പേരിട്ട പത്രിക കേന്ദ്ര ധനമന്ത്രി അരുണ് ജെയ്റ്റ്ലിയാണ് പുറത്തിറക്കിയത്. പ്രധാനമന്ത്രി നരേന്ദ്ര മോദിയുടെ വികസന നയങ്ങളാണ് പ്രകടന പത്രികയില് പ്രതിഫലിപ്പിക്കുന്നതെന്ന് പ്രകാശനം നിര്വഹിച്ച ശേഷം അരുണ് ജെയ്റ്റ്ലി പറഞ്ഞു.
ബിപിഎല് കുടുംബങ്ങള്ക്ക് സൗജന്യ ആരോഗ്യ ഇന്ഷുറന്സ്, എല്ലാവര്ക്കും കുടിവെള്ളം, കുറഞ്ഞ സാമൂഹ്യസുരക്ഷാ പെന്ഷന് 2000 രൂപ, കുറഞ്ഞ കൂലി 340 രൂപ, സര്ക്കാര് ഉദ്യോഗസ്ഥര്ക്ക് ശമ്ബള വര്ദ്ധന തുടങ്ങിയവയാണ് മറ്റ് പ്രധാന വാഗ്ദാനങ്ങള്.
ബിജെപി നേതൃത്വത്തിലുള്ള സര്ക്കാര് അധികാരത്തില് വന്നാല് സംസ്ഥാനവും കേന്ദ്രവും സംയുക്തമായാണ് പ്രവര്ത്തിക്കുക. അതിനാല് സംസ്ഥാനത്തിന് നല്ല രീതിയിലുള്ള വികസനം നേടിയെടുക്കാന് സാധിക്കുമെന്ന് അരുണ് ജെയ്റ്റ്ലി പറഞ്ഞു. സംസ്ഥാനത്ത് ഒഴിവുള്ള 50,000 സര്ക്കാര് തസ്തികയില് ഉടന് നിയമനം നടത്തുമെന്നും അദ്ദേഹം കൂട്ടിച്ചേര്ത്തു.
പ്രതികരിക്കാൻ ഇവിടെ എഴുതുക: