ഇരിട്ടി: മേഖലയിലെ പ്രധാന ശിവക്ഷേത്രങ്ങളിലെല്ലാം മാഹാ ശിവരാത്രി വിശേഷാല് പൂജകളോടെയും വിവിധ പരിപാടികളോടെയും ആഘോഷിച്ചു. മൂലോത്തും കുന്ന് കൈരാതി കിരാത ക്ഷേത്രത്തില് ശിവരാത്രി ആഘോഷങ്ങളുടെ ഭാഗമായി ശിവപാര്വതിപൂജ നടന്നു. ഹര്ത്താല് ആയിരുന്നിട്ടും സ്ത്രീകളും കുട്ടികളുമടക്കമുള്ള നൂറുകണക്കിനാളുകള് ശിവ പാര്വതി പൂജയില് പങ്കെടുക്കാന് എത്തിയിരുന്നു. പൂജക്ക് പ്രമുഖ ശ്രീവിദ്യോപാസകന് എ.ഗോപാലകൃഷ്ണന്, സി.പി.ഭുവനദാസന് എന്നിവര് കാര്മ്മികത്വം വഹിച്ചു. ക്ഷേത്രം രക്ഷാധികാരി വത്സന്തില്ലങ്കേരി, ഭാരവാഹികളായ പി.കരുണാകരന്, എ. പത്മാനാഭന്, പി.വി.രാജേഷ്, കെ.ദിവാകരന്, വി.കെ.രജീഷ് എന്നിവര് നേതൃത്വം നല്കി. വിശേഷാല് പൂജകള്, അഖണ്ഢനാമജപം, നിറമാല, ചുറ്റുവിളക്ക്, പ്രഭാഷണം എന്നിവയും ഇതോടൊപ്പം നടന്നു.
കീഴൂര് മഹാദേവക്ഷേത്രത്തില് ആഘോഷത്തിന്റെ ഭാഗമായി നടന്ന വിശേഷാല് പൂജകള്ക്ക് ക്ഷേത്രം തന്ത്രി ബ്രഹ്മശ്രീ വിലങ്ങര നാരായണന് ഭട്ടതിരിപ്പാട് മുഖ്യ കാര്മ്മികത്വം വഹിച്ചു. രാവിലെ അഷ്ടദ്രവ്യ ഗണപതിഹോമം, നവകപൂജ, നവകാഭിഷേകം എന്നിവ നടന്നു. വൈകുന്നേരം ഇളനീര്ക്കാവ് വരവ്, ദീപസമര്പ്പണം, ദീപാരാധന, പാനക വിതരണം എന്നിവക്ക് ശേഷം വിശേഷ ദ്രവ്യങ്ങള് കൊണ്ടുള്ള അഞ്ച് യാമപൂജകള് നടന്നു. ദിനേശന് പരിക്കളത്തിന്റെ ആദ്ധ്യാത്മിക പ്രഭാഷണവും പ്രാദേശിക കലാപരിപാടികളും അരങ്ങേറി. രാവിലെ മുതല് വൈകുന്നേരം വരെ അഖണ്ഡ നാമജപവും ദീപാരാധനയ്ക്കു ശേഷം തുലാഭാരം തൂക്കലും നടന്നു .
കീഴ്പ്പള്ളി പാലരിഞ്ഞാല് മഹാദേവക്ഷേത്രത്തില് വൈകുന്നേരം താലപ്പൊലി ഘോഷയാത്ര, സാംസ്കാരിക സമ്മേളനം, നൃത്തനൃത്ത്യങ്ങള്, ചെടിക്കുളം കമലാ ജനാര്ദ്ദനന്റെ കഥാപ്രസംഗം, പതിയില് ബാലകൃഷ്ണന്റെ പ്രഭാഷണം എന്നിവ നടന്നു.
ഉളിക്കല് വയത്തൂര് ക്ഷേത്രത്തില് ആഘോഷങ്ങളുടെ ഭാഗമായി നടന്ന സാംസ്കാരിക സമ്മേളനം ഡോ. എം.പി.ചന്ദ്രാംഗദന് ഉദ്ഘാടനം ചെയ്തു. തുടര്ന്ന് ആദ്ധ്യാത്മിക പ്രഭാഷണം, തിരുവാതിരക്കളി, ഗീതാപാരായണം, ഭജന, ഭക്തിഗാനമേള എന്നിവയും നടന്നു.
തില്ലങ്കേരി മഹാശിവക്ഷേത്രത്തില് മഹാഗണപതിഹോമം, മഹാമൃത്യുഞ്ജയ ഹോമം, സമൂഹ പ്രാര്ത്ഥന, ആദ്ധ്യാത്മിക പ്രഭാഷണം, ചുറ്റുവിളക്ക്, നിറമാല എന്നിവ നടന്നു.
പ്രതികരിക്കാൻ ഇവിടെ എഴുതുക: