കൊച്ചി: നികുതി വെട്ടിച്ച കേസില് ശ്രീവത്സം ഗ്രൂപ്പിന്റെ സ്വത്തുവകകള് ആദായ നികുതി വകുപ്പ് കണ്ടുകെട്ടി. കേരളത്തിനകത്തും പുറത്തുമുള്ള 36 സ്വത്തു വകകളാണ് താത്കാലികമായി കണ്ടുകെട്ടിയത്. നികുതി അടയ്ക്കാത്തവരുടെ ആസ്ഥി കണ്ടുകെട്ടാന് വ്യവസ്ഥ ചെയ്യുന്ന കേന്ദ്രസര്ക്കാറിന്റെ പുതിയ നികുതി നിയമ ഭേദഗതിയനുസരിച്ചാണ് നടപടി.
കേരളത്തിന് പുറമെ ബെംഗളൂരൂവിലെയും വസ്തുവകകള് കണ്ടുകെട്ടിയിട്ടുണ്ട്. നാഗാലാന്ഡിലെ മുന് പോലീസ് ഉദ്യോഗസ്ഥനും ശ്രീവത്സം ഗ്രൂപ്പിന്റെ ഉടമയുമായ എം.കെ.ആര്. പിള്ള, ഭാര്യ വത്സല, മക്കളായ അരുണ് രാജ്, വരുണ് രാജ് എന്നിവരുടെ പേരിലുള്ള ആസ്തികളാണ് കണ്ടുകെട്ടിയത്. നാഗാലാന്ഡിലെ സേവനത്തിനിടെ ബിനാമി ഇടപാടുകളിലൂടെ പിള്ള കോടികള് നികുതി വെട്ടിച്ചെന്ന കേസിലാണ് നടപടി.
പ്രതികരിക്കാൻ ഇവിടെ എഴുതുക: