ന്യൂദല്ഹി: ചിത്രഭാരതി ട്രസ്റ്റിന്റെ ആഭിമുഖ്യത്തില് സംഘടിപ്പിക്കുന്ന ചലച്ചിത്രോത്സവത്തിന്റെ പ്രചരണാര്ത്ഥം ദല്ഹിയില് ഫ്ളാഷ് മോബ്. ഡല്ഹി യൂണിവേഴ്സിറ്റിയിലെ വിദ്യാര്ത്ഥികളാണ് കൊണാട്ട് പ്ലേസില് ഫ്ളാഷ് മോബ് അവതരിപ്പിച്ചത്. ഈ മാസം 19 മുതല് 21 വരെ ന്യൂദല്ഹിയില് നടക്കുന്ന ചലച്ചിത്രോത്സവത്തിന്റെ മുന്നോടിയായി നിരവധി പ്രചാരണ പരിപാടികളാണ് സംഘടിപ്പിച്ചിരിക്കുന്നത്.
ദേശീയതയ്ക്ക് പ്രധാന്യം നല്കുന്ന സിനിമകള് നിര്മിക്കുന്നതിന് വേണ്ടിയാണ് ചിത്ര ഭാരതി ട്രസ്റ്റ് ആരംഭിച്ചതെന്ന് സംഘാടക സമിതി രക്ഷാധികാരിയും പ്രജ്ഞാപ്രവാഹ് അഖില ഭാരതീയ സംയോജകുമായ ജെ. നന്ദകുമാര് പറഞ്ഞു. ട്രസ്റ്റിന്റെ ആഭിമുഖ്യത്തില് നടത്തുന്ന രണ്ടാമത്തെ ചലച്ചിത്രോത്സവമാണിത്. വിദ്യാര്ത്ഥികള്ക്കും യുവാക്കള്ക്കും കുട്ടികള്ക്കും കഴിവ് പ്രകടിപ്പിക്കുന്നതിനുള്ള വേദികൂടിയാണിത്.
ദേശീയതയ്ക്കും കുടുംബമൂല്യങ്ങള്ക്കും പരിസ്ഥിതി സംരക്ഷണത്തിനും പ്രാധാന്യം നല്കുന്നതാണ് ചലച്ചിത്രോത്സവം. ദേശീയത ഉള്ക്കൊണ്ട് നിര്മിക്കുന്ന വിദേശ സിനിമകളും പ്രദര്ശിപ്പിക്കുന്നുണ്ട്. ഹ്രസ്വ ചിത്രങ്ങള്, ഡോക്യുമെന്ററികള്, ക്യാമ്പസ് ചിത്രങ്ങള്, അനിമേഷന് ചിത്രങ്ങള് എന്നിങ്ങനെ നാല് വിഭാഗങ്ങളിലായാണ് പ്രദര്ശനം.
പ്രതികരിക്കാൻ ഇവിടെ എഴുതുക: