കണ്ണൂര്: ഷുഹൈബ് വധക്കേസില് പോലീസില് കീഴടങ്ങിയവര് യഥാര്ഥ പ്രതികളാണോ എന്ന് സംശയമുണ്ടെന്ന് കോണ്ഗ്രസ് നേതാവ് കെ. സുധാകരന്. ഷുഹൈബിനെ ക്രിമിനലാക്കാന് ശ്രമിക്കുന്ന പി. ജയരാജനാണ് ഏറ്റവും വലിയ ക്രിമിനല്. സംഘര്ഷത്തിന് അയവു വരുത്തേണ്ട സമീപനം ഇതുവരെ ഉണ്ടായിട്ടില്ലെന്ന് സുധാകരന് മാധ്യമങ്ങളോട് പറഞ്ഞു.
കൊലപാതകത്തില് സി.പി.എമ്മിന് പങ്കില്ലെന്ന് പറഞ്ഞ ജില്ലാ സെക്രട്ടറി പി. ജയരാജന് മറുപടി പറയണമെന്നും സുധാകരന് ആവശ്യപ്പെട്ടു. ജില്ലയില് സമാധാന യോഗം വിളിക്കാന് പോലും കലക്ടര് തയാറായിട്ടില്ലെന്ന് സുധാകരന് ആരോപിച്ചു. വലിയ അക്രമമാണ് ഉണ്ടായത്. കൊലപാതകത്തോടുള്ള സര്ക്കാര് സമീപനത്തിന് തെളിവാണിതെന്നും സുധാകരന് ചൂണ്ടിക്കാട്ടി.
പ്രതികരിക്കാൻ ഇവിടെ എഴുതുക: