അഗര്ത്തല: മണിക് സർക്കാരിന്റെ അഴിമതി ഭരണത്തെ തച്ചുടച്ച് ബിജെപി സംസ്ഥാനത്ത് ഭരണം പിടിച്ചെടുക്കുമെന്ന് സംസ്ഥാന അധ്യക്ഷൻ ബിപ്ലവ് കുമാർ ദേബ്. ഞായറാഴ്ച നടന്ന തെരഞ്ഞെടുപ്പ് ഒരു ചരിത്ര സംഭവമായിരിക്കുമെന്നും തെരഞ്ഞെടുപ്പിൽ ബിജെപി വിജയിക്കുമെന്നും അദ്ദേഹം പറഞ്ഞു. ത്രിപുരയിലെ ഉദയ്പുരിലുള്ള ബൂത്തിൽ വോട്ട് രേഖപ്പെടുത്തിയതിനു ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.
ഈ തെരഞ്ഞെടുപ്പിന്റെ ഫലം ചരിത്രമാകും, തീർച്ചയായും ഈ തെരഞ്ഞെടുപ്പിൽ ബിജെപി വിജയിക്കും. പ്രധാനമന്ത്രി നരേന്ദ്ര മോദി, ബിജെപി അധ്യക്ഷൻ അമിത് ഷാ എന്നിവർ തന്നെ ഫോണിൽ വിളിച്ച് ആശംസകൾ നേർന്നിരുന്നു- ദേബ് പറഞ്ഞു.
ത്രിപുര നിയമസഭയിലേക്കുള്ള വോട്ടെടുപ്പ് പുരോഗമിച്ചുവരികയാണ്. 59 സീറ്റുകളിലായി മൊത്തം 309 സ്ഥാനാര്ത്ഥികളാണ് മത്സരിക്കുന്നത്. മാർച്ച് 3ന് ഫലം പുറത്ത് വരും.
പ്രതികരിക്കാൻ ഇവിടെ എഴുതുക: