കണ്ണൂര്: അഴീക്കോട് സൗത്ത് യുപി സ്കൂള് നവതി ആഘോഷം സഫലമീയാത്ര എന്ന പേരില് ഫെബ്രുവരി മുതല് 2019 മാര്ച്ച് വരെ ഒരു വര്ഷം നീണ്ടുനില്ക്കുന്ന വിവിധ പരിപാടികളോടെ സംഘടിപ്പിക്കും. പൂര്വ്വവിദ്യാര്ത്ഥി സംഗമം, വിദ്യാഭ്യാസ സെമിനാറുകള്, സ്മരണിക, വിദ്യാലയ ഡോക്യുമെന്ററി, ഗുരുനാഥന്മാരെ ആദരിക്കല്, മാതൃസംഗമം, കലാകായിക മത്സരങ്ങള് തുടങ്ങിയ വ്യത്യസ്ത പരിപാടികളോടെയാണ് നവതി ആഘോഷം സംഘടിപ്പിക്കുന്നത്. 22ന് ഉച്ചക്ക് മൂന്നിന് പ്രതിപക്ഷ നേതാവ് രമേശ് ചെന്നിത്തല സഫലമീയാത്ര പരിപാടി ഉദ്ഘാടനം ചെയ്യുമെന്ന് സംഘാടകര് വാര്ത്താസമ്മേളനത്തില് അറിയിച്ചു.
കവി പി.കെ.ഗോപി മുഖ്യാതിഥിയായിരിക്കും. കവികളെയും കഥാകാരന്മാരെയും അണിനിരത്തുന്ന സര്ഗസദസ്സ് കെ.എം.ഷാജി എംഎല്എ ഉദ്ഘാടനം ചെയ്യും. പ്രമുഖവ്യക്തിത്വങ്ങളെ ആദരിക്കുന്ന ചടങ്ങ് ബ്ലോക്ക് പഞ്ചായത്ത് പ്രസിഡന്റ് കുടുവന് പത്മനാഭന് നിര്വ്വഹിക്കും. പരിപാടിയുടെ പ്രചരണാര്ത്ഥം 21ന് വൈകീട്ട് നാലിന് വിളംബരജാഥ പൂതപ്പാറയില് നടക്കും. ഗ്രാമപഞ്ചായത്ത് വൈസ്പ്രസിഡന്റ് എ.സുരേശന് ഫ്ളാഗ് ഓഫ് ചെയ്യും. വാര്ത്താസമ്മേളനത്തില് എം.എന്.രവീന്ദ്രന്, അബ്ദുള് നിസാര് വായിപ്പറമ്പ്, എന്.പ്രേമസുധ, കെ.സീതാബായ്, പി.പി.അരുണ്കുമാര് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: