കൊച്ചി : ദേശീയ അവാര്ഡ് നേടിയ അംബേദ്കര് എന്ന സിനിമ മലയാളത്തില് മൊഴിമാറ്റം നടത്തി പ്രദര്ശിപ്പിക്കാന് നിര്ദേശം നല്കണമെന്നാവശ്യപ്പെട്ട് ഹര്ജി. കേരള ദളിത് പാന്തേഴ്സ് എന്ന സംഘടനയുടെ കണ്വീനര് കെ. അംബുജാക്ഷനാണ് ഹൈക്കോടതിയില് ഹര്ജി നല്കിയിരിക്കുന്നത്. മമ്മൂട്ടിയാണ് ഈ ചിത്രത്തില് അംബേദ്കറെ അവതരിപ്പിച്ചത്.
ജബ്ബാര് പട്ടേല് സംവിധാനം ചെയ്ത ഈ ചിത്രം അംബേദ്കറുടെ 120 -ാം ജയന്തി ആഘോഷത്തോടനുബന്ധിച്ച് മലയാളത്തില് മൊഴി മാറ്റി പ്രദര്ശിപ്പിക്കണമെന്നാവശ്യപ്പെട്ട് ചീഫ് സെക്രട്ടറിക്കും സാംസ്കാരിക വകുപ്പ് സെക്രട്ടറിക്കും നിവേദനം നല്കിയിട്ടും ഫലമുണ്ടായില്ലെന്നും ഹര്ജിയില് പറയുന്നു. ഹര്ജി ഇന്ന് പരിഗണിച്ചേക്കും.
പ്രതികരിക്കാൻ ഇവിടെ എഴുതുക: