എടത്വായില്‍ കുടിവെള്ള വിതരണം നിലച്ചു

Thursday 22 February 2018 1:59 am IST


എടത്വാ: എടത്വാ ടൗണിലും പരിസര പ്രദേശങ്ങളിലും കുടിവെള്ള വിതരണം നിലച്ചെന്ന് ഉപഭോക്താക്കള്‍. എടത്വാ പള്ളിക്ക് സമീപ പ്രദേശങ്ങളില്‍ രണ്ട് ദിവസമായി കുടിവെള്ളം ലഭിക്കുന്നില്ലെന്നും, പ്രാഥമിക ആവശ്യങ്ങള്‍ക്കുപോലും ജലക്ഷാമം അനുഭവപ്പെട്ടതോടെ സ്വകാര്യ വാഹനങ്ങളില്‍ വെള്ളം സംഭരിച്ച് ടാങ്ക് നിറക്കേണ്ട അവസ്ഥയാണെന്നും എടത്വാ സ്വദേശി ജോജി പരാതിപ്പെടുന്നു. അമ്പലപ്പുഴ-തിരുവല്ല സംസ്ഥാനപാത നവീകരണം എടത്വായില്‍ ആരംഭിച്ചതോടാണ് കുടിവെള്ള വിതരണം നിലച്ചത്. എടത്വാ കോളേജ് മുതല്‍ നീരേറ്റുപുറം വരെ പല സ്ഥലങ്ങളിലും പൈപ്പ് പൊട്ടിയ നിലയിലാണ്. പൈപ്പ് പൊട്ടിയതോടെ ജലവിതരണവും നിലച്ചു. സമീപത്ത് തോടുകളില്ലാത്ത ഉള്‍പ്രദേശങ്ങളിലെ ഉപഭോക്താക്കളാണ് ഏറെ ദുരിതം അനുഭവിക്കുന്നത്. ദിവസേന രണ്ട് മണിക്കൂറെങ്കിലും ജലവിതരണം നടത്താനുള്ള നടപടി ജലഅഥോറിറ്റി സ്വീകരിക്കണമെന്ന് ഉപഭോക്താക്കള്‍ ആവശ്യപ്പെട്ടു.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.