ഇരിട്ടി: വാഹനപരിശോധനക്കിടെ ഇരിട്ടി എക്സൈസ് സംഘം ലഹരിക്കായി ഉപയോഗിക്കാന് ബസ്സില് കടത്തിക്കൊണ്ടുവന്ന ഗുളികകള് പിടികൂടി. വേദനാ സംഹാരിയായി ഉപയോഗിക്കുന്ന സ്പാസ്മോ പ്രോക്സിവോണ് എന്ന102 ഗുളികകളാണ് പിടികൂടിയത്. ഇവ ലഹരിക്കായി ഉപയോഗിക്കാനാണ് കേരളത്തിലേക്ക് കടത്തിക്കൊണ്ടുവരുന്നത്. മൈസൂരുവില് നിന്നും തലശ്ശേരിയിലേക്കു വരികയായിരുന്ന ബസ്സില് നിന്നുമാണ് ഇവ പിടികൂടിയത്. ഇരിട്ടി എക്സൈസ് ഓഫീസര് സിനു കൊയിലത്ത്, സിവില് എക്സൈസ് ഓഫീസര്മാരായ അബ്ദുള് നിസാര്, ബിജു, സജേഷ് എന്നിവരാണ് ഗുളിക പിടികൂടിയ സംഘത്തിലുണ്ടായിരുന്നത്.
പ്രതികരിക്കാൻ ഇവിടെ എഴുതുക: