തൃശൂര്: പട്ടിക ജാതി വിഭാഗക്കാര്ക്ക് സംസ്ഥാന പട്ടിക ജാതി- വര്ഗ്ഗ വികസന കോര്പ്പറേഷന് നല്കിയ വായ്പകള് എഴുതിതള്ളുന്നതിന് ജാതി- വരുമാന സര്ട്ടിഫിക്കറ്റുകള് പുതിയതായി ഹാജരാക്കണമെന്ന നിബന്ധന ഒഴിവാക്കിയതായി മന്ത്രി എ.കെ. ബാലന്.
2010 മാര്ച്ച് 31ന് തിരിച്ചടവ് കാലാവധി കഴിയുന്ന ഒരു ലക്ഷം രൂപ വരെയുള്ള വായ്പകള് എഴുതി തള്ളുന്നതിനാണ് ഇളവ്. പട്ടികജാതി, പട്ടികവര്ഗ്ഗ വികസന കോര്പ്പറേഷന്റെ പദ്ധതി അവലോകന യോഗത്തിനുശേഷം മാധ്യമപ്രവര്ത്തകരോട് സംസാരിക്കുകയായിരുന്നു മന്ത്രി.
പട്ടിക ജാതിക്കാരായ കര്ഷകര്ക്ക് 30 സെന്റ് കൃഷി ഭൂമി വാങ്ങുന്നതിന് നാലര ലക്ഷം രൂപയുടെ വായ്പയും വിദേശത്ത് തൊഴില് തേടിപോകുന്നവര്ക്ക് 2 ലക്ഷം രൂപയുടെ വായ്പയും നല്കുമെന്ന് എ.കെ. ബാലന് പറഞ്ഞു. സംസ്ഥാന പട്ടിക ജാതി- വര്ഗ്ഗ വികസന കോര്പ്പറേഷന് ചെയര്മാന് ബി. രാഘവന്, മാനേജിങ് ഡയറക്ടര് ഡോ. എം.എ. നാസര് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: