തിരുവനന്തപുരം: പ്രതിപക്ഷ ബഹളത്തോടെ നിയമസഭാ സമ്മേളനത്തിന് തുടക്കമായി. കണ്ണൂരില് കൊല്ലപ്പെട്ട യൂത്ത് കോണ്ഗ്രസ് പ്രവര്ത്തകന് ശുഹൈബിന്റെ കൊലപാതകം ഉന്നയിച്ച് നിയമസഭയില് ചോദ്യോത്തരവേള തടസ്സപ്പെടുത്തി പ്രതിപക്ഷം നടുത്തളത്തിലിറങ്ങി പ്രതിഷേധിച്ചു.
ബഹളത്തിനിടെ ചോദ്യോത്തരവേള തുടരാന് സ്പീക്കര് നിര്ദേശിച്ചെങ്കിലും അധികം നീണ്ടുനിന്നില്ല. തുടര്ന്ന് ചോദ്യോത്തരവേള സ്പീക്കര് റദ്ദാക്കുകയായിരുന്നു. സഭ ആരംഭിച്ചതോടെ തന്നെ പ്രതിപക്ഷം നടുത്തളത്തിലിറങ്ങി പ്രതിഷേധിക്കുകയായിരുന്നു. മട്ടന്നൂര് ശുഹൈബ് വധുക്കേസില് യഥാര്ത്ഥ പ്രതികളെ പിടികൂടണമെന്നും ആള്ക്കൂട്ട മര്ദനത്തിനിരയായി കൊല്ലപ്പെട്ട മധുവിന്റെ മരണത്തില് നിഷ്പക്ഷ അന്വേഷണം വേണമെന്നുമാണ് പ്രതിപക്ഷ ആവശ്യം.
സഭ സമ്മേളിച്ചപ്പോള് ശുഹൈബിന്റെ ചിത്രങ്ങളുള്ള പ്ലക്കാര്ഡുകളും ബാനറുകളും ഉയര്ത്തിയായിരുന്നു പ്രതിപക്ഷത്തിന്റെ പ്രതിഷേധം. അംഗങ്ങളോട് ശാന്തരാകാന് സ്പീക്കര് ആവശ്യപ്പെടുന്നുണ്ടെങ്കിലും പ്രതിപക്ഷം ശാന്താരയില്ല. സ്പീക്കറുടെ ഇരിപ്പിടത്തിന് മുന്നില് കൂട്ടമായി നിന്ന് പ്രതിപക്ഷം മുദ്രാവാക്യം വിളിച്ചു. ഇത് സഭയുടെ മര്യാദ ലംഘനമാണെന്നും ലോകം മുഴുവന് ഇത് കാണുന്നുണ്ടെന്നും സ്പീക്കര് പറഞ്ഞെങ്കിലും പ്രതിപക്ഷം വഴങ്ങിയില്ല.
പ്രതികരിക്കാൻ ഇവിടെ എഴുതുക: