ദുബായ്: നടി ശ്രീദേവിയുടെ മൃതദേഹം നാട്ടിലേക്ക് കൊണ്ടു പോകാന് പബ്ലിക് പ്രൊസിക്യൂട്ടറുടെ അനുമതി. അനുമതി പത്രം തയാറായിട്ടുണ്ടെന്ന് അധികൃതര് ബന്ധുക്കളെ അറിയിച്ചു. അത് കോണ്സുലേറ്റിലെത്തി വാങ്ങിയാലുടന് നാട്ടിലേക്ക് മടങ്ങാനുള്ള നടപടികള് പൂര്ത്തിയാകും.
മൃതദേഹം നാട്ടിലെത്തിക്കാനുള്ള നടപടികള് ആരംഭിച്ചിട്ടുണ്ട്. മൃതദേഹം എംബാം ചെയ്യുന്നതടക്കമുള്ള നടപടികള് പൂര്ത്തിയാക്കേണ്ടതുണ്ട്. ഇന്ന് തന്നെ മുംബൈയില് എത്തിക്കാന് സാധിക്കുമെന്നാണ് പ്രതീക്ഷ. ശ്രീദേവിയുടെ ഭര്ത്താവ് ബോണി കപൂറിന് മൃതദേഹത്തെ അനുഗമിക്കാന് സാധിക്കുമോ എന്ന വിവരം വ്യക്തമല്ല.
അതേസമയം ശ്രീദേവിയുടേത് മുങ്ങി മരണമെന്ന് അധികൃതര് സ്ഥിരീകരിച്ചു. പരാതി ലഭിച്ചാല് മാത്രം അന്വേഷണം നടത്തുമെന്ന് അധികൃതര് കൂട്ടിച്ചേര്ത്തു.
പ്രതികരിക്കാൻ ഇവിടെ എഴുതുക: