കോട്ടയം: ശാസ്ത്രലോകത്തെ വിസ്മയങ്ങള് തുറന്ന് ‘ശാസ്ത്രയാന്’ തുടങ്ങി. നാട്ടകം ഗവണ്മെന്റ് കോളേജില് ആരംഭിച്ച പ്രദര്ശനത്തില് കോളേജിലെ വിവിധ ഡിപ്പാര്ട്ടുമെന്റുകളിലെ നൂറുകണക്കിന് വിദ്യാര്ത്ഥികള് വിവിധ വിഷയങ്ങളില് അവതരിപ്പിച്ച പ്രോജക്ടുകള് ഏറെ ശ്രദ്ധേയമായി.
ശാസ്ത്ര-സാമൂഹ്യശാസ്ത്ര പ്രദര്ശനം, വാനനിരീക്ഷണം, ഹ്രസ്വചിത്ര പ്രദര്ശനം, പോസ്റ്റര് പ്രദര്ശനം, പ്രശ്നോത്തരി, പുസ്തകോത്സവം, രുചിമേള, കലാസന്ധ്യ തുടങ്ങിയവ പരിപാടിയുടെ ഭാഗമായി ഉണ്ട്.
ചൊവ്വാഴ്ച രാവിലെ നടന്ന ഉദ്ഘാടന പരിപാടിയില് നഗരസഭാ ചെയര്പേഴ്സണ് ഡോ. സോന പി.ആര്. അദ്ധ്യക്ഷയായി. എംജി വൈസ് ചാന്സിലര് ഇന് ചാര്ജ്് ഡോ. സാബു തോമസ് ഉദ്ഘാടനം നിര്വ്വഹിച്ചു. വി.എന്.വാസവന് മുഖ്യപ്രഭാഷണം നടത്തി. പ്രിന്സിപ്പാള് ഡോ. മാത്യു ജോര്ജ്ജ്, ഡോ. ടോമി ജോണ്, അരുണ് ഷാജി തുടങ്ങിയവര് സംസാരിച്ചു. പ്രദര്ശനം ഇന്ന് സമാപിക്കും.
പ്രതികരിക്കാൻ ഇവിടെ എഴുതുക: