മയക്കുമരുന്നുമായി പിടിയില്‍

Wednesday 28 February 2018 2:00 am IST

അങ്കമാലി: കഞ്ചാവും മയക്കുമരുന്ന് വിഭാഗത്തില്‍പ്പെട്ട നൈട്രാസേപാം, ലോറസെപാം എന്നീ ഗുളികകളുമായി യുവാവ് പിടിയില്‍. തുറവൂര്‍ സാമ്പ്രിക്കല്‍ വീട്ടില്‍ ജിന്റോ ജെയിംസ്(19) ആണ് അങ്കമാലി എക്സൈസ് സംഘത്തിന്റെ പിടിയിലായത്. 200 ഗ്രാം കഞ്ചാവും 14 വീതം നൈട്രാസേപാം, ലോറസെപാം ഗുളികകളും പിടികൂടി. ജിന്റോ ജെയിംസ് തമിഴ്നാട്ടില്‍ നിന്നും തീവണ്ടി മാര്‍ഗമാണ് കഞ്ചാവും മയക്കുമരുന്ന് ഗുളികകളും കൊണ്ടുവരുന്നത്. ചെറുപൊതികളിലാക്കി 500 രൂപയ്ക്കാണ് കഞ്ചാവ് വില്‍പ്പന നടത്തുന്നത്. ജിന്റോ നാല്്് വര്‍ഷമായി കഞ്ചാവും മയക്കുമരുന്ന് ഗൂളികകളും ഉപയോഗിക്കാന്‍ തുടങ്ങിയിട്ടെന്ന് എക്സൈസ്്് സംഘം പറഞ്ഞു. ഒരു സ്ട്രിപ്പ് ഗുളിക 200 രൂപയ്ക്കാണ് ജിന്റോ നാട്ടില്‍ വില്‍ക്കുന്നത്. പ്രിവന്റീവ് ഓഫിസര്‍മാരായ എം.കെ. കാര്‍ത്തികേയന്‍ നായര്‍, സിവില്‍ എക്സൈസ് ഓഫീസര്‍മാരായ ബാലു,ശ്യാം മോഹന്‍,പ്രശാന്ത്,ഷിവിന്‍,അജി, എക്സൈസ് ഡ്രൈവര്‍ ബെന്നി പീറ്റര്‍ എന്നിവര്‍ ചേര്‍ന്നാണ് പ്രതിയെ അറസ്റ്റ് ചെയ്തത്. 

 

 

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.