തിരുവനന്തപുരം: ആറ്റുകാല് പൊങ്കാലയോടനുബന്ധിച്ച് നാളെ തമ്പാനൂര് ശ്രീകുമാര് തീയറ്റര് അങ്കണത്തില് തിരുവനന്തപുരം സര്ക്കാര് മെഡിക്കല്കോളേജിന്റെ നേതൃത്വത്തില് സൗജന്യ വൈദ്യസഹായം സംഘടിപ്പിക്കും. ഐഎംഎ, മൃതസഞ്ജീവനി (കെഎന്ഒഎസ്), ആള് കേരള മോഹന്ലാല് ഫാന്സ് അസോസിയേഷന്, തമ്പാനൂര് ബ്രദേഴസ്, സമഗ്രം ഹെല്ത്ത് ഫൗണ്ടേഷന് എന്നിവര് സംയുക്തമായാണ് സൗജന്യ വൈദ്യസഹായം ഏര്പ്പെടുത്തുന്നത്. രാവിലെ 8.30ന് ഐഎംഎ തിരുവനന്തപുരം പ്രസിഡന്റ് ഡോ ജോണ്പണിക്കര് ഉദ്ഘാടനം നിര്വഹിക്കും. സിനിമാ-ആരോഗ്യരംഗങ്ങളിലെ പ്രമുഖര് പങ്കെടുക്കും. പത്തുപേരെ ഒരേസമയം കിടത്തി ചികിത്സിക്കാന് കഴിയുന്ന വിധത്തിലുള്ള പ്രത്യേകസംവിധാനമാണ് ശ്രീകുമാര് തീയറ്റര് വളപ്പില് ഒരുക്കുന്നത്. ചൂടും പുകയും കാരണം എന്തെങ്കിലും അസ്വസ്ഥതകള് ഉണ്ടാകുന്നവര്ക്കും മറ്റ് അടിയന്തര വൈദ്യസഹായം വേണ്ടിവരുന്നവര്ക്കും ഇവിടെ നിന്ന് ചികിത്സ ലഭിക്കും. വിദഗ്ധചികിത്സ ലഭിക്കുന്നതിനുള്ള സൗകര്യങ്ങള് മെഡിക്കല്കോളേജിലും ഒരുക്കിയിട്ടുണ്ട്. അവിടേക്ക് കൊണ്ടുപോകാനുള്ള സൗജന്യആംബുലന്സ് സൗകര്യവും ലഭ്യമാണ്.
പ്രതികരിക്കാൻ ഇവിടെ എഴുതുക: