കൂത്തുപറമ്പ്: ജില്ലപോലീസ്,തലശേരി ബ്ലോക്ക് പഞ്ചായത്ത്, ജെസിഐ മമ്പറം എന്നിവയുടെ സംയുക്താഭിമുഖ്യത്തില് ജനമൈത്രിയും സമാധാനവും ഊട്ടിയുറപ്പിക്കുന്നതിനായി സംഘടിപ്പിച്ച മമ്പറം വോളി ഫെസ്റ്റില് മേജര് വോളിയില് ദല്ല മൈലുള്ളിമെട്ട ജേതാക്കളായി. യുവധാര പട്ടാന്നൂരിനെയാണ് ദല്ല തോല്പ്പിച്ചത്.
മേജര് വോളി ഫൈനല് മത്സരം മുഴുവന് രാഷ്ട്രീയ പാര്ട്ടി പ്രതിനിധികളും സംഘാടക സമിതി അംഗങ്ങളും ചേര്ന്ന് ഉദ്ഘാടനം ചെയ്തു. വിജയികള്ക്ക് ബ്ലോക്ക് പഞ്ചായത്ത പ്രസിഡന്റ് കെ.കെ.രാജീവന്, ജെസിഐ സോണ് വൈസ് പ്രസിഡന്റ് എംടികെ നിമേഷ്, സിഐ മാരായ കെ.വി.പ്രമോദ്, ജോഷി ജോസ്, എസ്ഐമാരായ കെ.വി.നിഷിത്ത്, കെ.വി.ഗണേശന് എന്നിവര് സമ്മാനദാനം നിര്വഹിച്ചു.
വോളിയുടെ ഭാഗമായി സാംസ്കാരിക സന്ധ്യയും കലാപരിപാടികളും അരങ്ങേറി. കോഴിക്കോട് റൂറല് വനിതാ പൊലീസ് ടീം അവതരിപ്പിച്ച അനന്തരം ആനി നാടകം, വിവിധ നൃത്യ നൃത്തങ്ങള്, മോണോആക്ട്, സിനിമാറ്റിക് ഡാന്സ്, കോട്ടൂര് ജ്യോതിസ് കളരി സംഘത്തിലെ പ്രകാശന് ഗുരുക്കളുടെ നേതൃത്വത്തില് വിവിധ അഭ്യാസ പ്രകടനങ്ങള് തുടങ്ങിയവ അരങ്ങേറി. മന്ത്രി രാമചന്ദ്രന് കടന്നപ്പള്ളി ഉദ്ഘാടനം ചെയ്തു. കെഎപി നാലാം ബറ്റാലിയന് അസി. കമാണ്ടന്റ് സി.അശോകന് മുഖ്യപ്രഭക്ഷണം നടത്തി. സിനിമാ താരം ഗായത്രി അശോക് വിശിഷ്ടാതിഥിയായി. മമ്പറം മാധവന് അധ്യക്ഷത വഹിച്ചു. എം.ജയപ്രകാശ്, പി.എം.ജയചന്ദ്രന്, കൈപ്പച്ചേരി മുകുന്ദന്, എന്.നാരായണന്, കെ.പി.ഹരീഷ് ബാബു, ടി.ഭാസ്കരന്, സി ഐ കെ.വി.പ്രമോദ്, പ്രദീപന് തൈക്കണ്ടി, ടി.നിധീഷ് സംസാരിച്ചു.
പ്രതികരിക്കാൻ ഇവിടെ എഴുതുക: