ന്യൂദല്ഹി: അഴിമതി തടയുന്നതിനായുള്ള പദ്ധതിയായ ലോക്പാലിന്റെ യോഗത്തിൽ പങ്കെടുക്കുന്നതിൽ നിന്നും കോൺഗ്രസ് വിട്ടു നിൽക്കുന്നു. പ്രധാനമന്ത്രി വിളിച്ചുചേര്ത്ത ലോക്പാല് യോഗത്തില് പങ്കെടുക്കുന്നില്ലെന്നറിയിച്ചുകൊണ്ട് കോണ്ഗ്രസ് നേതാവ് മല്ലികാര്ജുന ഖാര്ഗെ പ്രധാനമന്ത്രിക്ക് കത്തയച്ചു.
ചീഫ് ജസ്റ്റിസ് ദീപക് മിശ്ര, ലോക്സഭാ സ്പീക്കര് സുമിത്രാ മഹാജന് തുടങ്ങിയവര് പങ്കെടുക്കുന്ന യോഗത്തില് പ്രത്യേക ക്ഷണിതാവായാണ് ലോക്സഭാ പ്രതിപക്ഷ നേതാവ് കൂടിയായ മല്ലികാര്ജുന ഖാര്ഗെയെ മോദി ക്ഷണിച്ചിരുന്നത്. എന്നാല് പ്രത്യേക ക്ഷണിതാവെന്ന രീതിയില് പങ്കെടുക്കില്ലെനാണ് ഖാര്ഗെ പ്രധാനമന്ത്രിക്കയച്ച കത്തിലൂടെ വ്യക്തമാക്കിയത്. ലോക്സഭയിലെ ഏറ്റവും വലിയ ഒറ്റകക്ഷി നേതാവാവെന്നതിനാലാണ് ഖാര്ഗയെ ക്ഷണിച്ചിരുന്നത്.
രണ്ടാഴ്ചക്ക് മുൻപ് സുപ്രിംകോടതി ലോക്പാല് രൂപീകരിക്കുന്നതുമായി ബന്ധപ്പെട്ട വിശദാംശങ്ങള് സമര്പ്പിക്കണമെന്ന് കേന്ദ്രസര്ക്കാറിനോട് ആവശ്യപ്പെട്ടിരുന്നു. ഇതെ തുടര്ന്നാണ് പ്രധാനമന്ത്രി യോഗം വിളിച്ചത്.
പ്രതികരിക്കാൻ ഇവിടെ എഴുതുക: