തിരുവനന്തപുരം: ശ്രീരാമദാസ മിഷന് യൂണിവേഴ്സല് സൊസൈറ്റിയുടെ ആഭിമുഖ്യത്തില് നടക്കുന്ന ശ്രീരാമനവമി ഹിന്ദുമഹാസമ്മേളനത്തിന്റെ മുന്നോടിയായുളള ശ്രീരാമനവമി രഥയാത്ര ഇന്ന് കൊല്ലൂര് ശ്രീ മൂകാംബികാ ദേവീക്ഷേത്രസന്നിധിയില്നിന്ന് ആരംഭിക്കും. ശ്രീകോവിലില്നിന്ന് മുഖ്യതന്ത്രി പകര്ന്നു നല്കുന്ന ജ്യോതി ശ്രീരാമദാസാശ്രമം അദ്ധ്യക്ഷന് സ്വാമി ബ്രഹ്മപാദാനന്ദസരസ്വതി ശ്രീരാമരഥത്തില് പ്രതിഷ്ഠിച്ചുകൊണ്ട് രഥപരിക്രമണത്തിന് തുടക്കം കുറിക്കും. ശ്രീരാമായണത്തിന്റെ ആദ്ധ്യാത്മികമായ ആന്തരികസത്ത ജനഹൃദയങ്ങളിലെത്തിക്കുക എന്ന സന്ദേശവുമായാണ് രഥയാത്ര നടത്തുന്നത്.
ക്ഷേത്ര മാതൃകയില് നിര്മ്മിച്ചിട്ടുള്ള ശ്രീരാമരഥത്തില് പഞ്ചലോഹനിര്മ്മിതമായ ശ്രീരാമസീത ആഞ്ജനേയ വിഗ്രഹം, ശ്രീരാമപാദുകം, ചൂഡാരത്നം, ശ്രീരാമദാസാശ്രമ സ്ഥാപകാചാര്യന് നീലകണ്ഠഗുരുപാദരുടെയും സ്വാമി സത്യാനന്ദസരസ്വതിയുടെയും ഛായാചിത്രങ്ങള് എന്നിവ നിത്യാരാധനയ്ക്കും ദര്ശനത്തിനുമായി ഉണ്ടാകും. ദക്ഷിണകര്ണ്ണാടകത്തിലെ പര്യടനത്തിനുശേഷം നാളെ യാത്ര കാസര്കോട് എത്തും. എല്ലാ ജില്ലകളിലും പര്യടനം നടത്തിയ ശേഷം രഥയാത്ര ശ്രീരാമനവമി ദിവസമായ 25ന് ചേങ്കോട്ടുകോണം ശ്രീരാമദാസാശ്രമത്തില് സമാപിക്കും.
എല്ലാ ജില്ലകളിലും രഥയാത്ര സമാപനകേന്ദ്രത്തിലും ശ്രീരാമനവമി ഹിന്ദുമഹാസമ്മേളനങ്ങള് നടക്കും. മന്ത്രിമാര്, വിവിധ ഹൈന്ദവ സംഘടനനേതാക്കള്, ആദ്ധ്യാത്മികാചാര്യന്മാര്, വിവിധ മഠങ്ങളിലെ സന്ന്യാസി ശ്രേഷ്ഠന്മാര്, രാഷ്ട്രീയ സാമൂഹ്യ സാംസ്ക്കാരിക നായകന്മാര് തുടങ്ങിയവര് സമ്മേളനങ്ങളില് പങ്കെടുക്കും. മാര്ച്ച് 26 മുതല് ഏപ്രില് 6 വരെ ചേങ്കോട്ടുകോണം ശ്രീരാമദാസാശ്രമത്തില് ശ്രീരാമനവമി ഹിന്ദു മഹാസമ്മേളനവും ശ്രീരാമായണ നവാഹയജ്ഞവും ശ്രീരാമനവമി ആഘോഷങ്ങളുടെ ഭാഗമായി സംഘടിപ്പിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: