നെന്മാറ ബ്ലോക്ക് പഞ്ചായത്തില്‍ രണ്ടായിരം ബിസിനസ്സ് സംരംഭങ്ങള്‍ തുടങ്ങാനൊരുങ്ങി കുടുംബശ്രീ

Monday 5 March 2018 2:16 am IST

നെന്മാറ ബ്ലോക്കിലാണ് എസ്‌വിഇപി നടപ്പിലാക്കുന്നത്. ബ്ലോക്കിനു കീഴിലുള്ള ഏഴ് പഞ്ചായത്തുകളിലായി നാല് വര്‍ഷത്തിനകം കുടുംബശ്രീ മുഖേന 2000 ത്തോളം ബിസിനസ്സ് സംരംഭങ്ങള്‍ ആരംഭിക്കുക എന്നതാണ് പദ്ധതിയിലൂടെ ലക്ഷ്യമിടുന്നത്. ഇതിനായി വിശദമായ പദ്ധതി റിപ്പോര്‍ട്ട് കേന്ദ്ര ഗവണ്‍മെന്റിന് സമര്‍പ്പിച്ചു കഴിഞ്ഞു. 

   കുടുംബശ്രീ അംഗങ്ങള്‍ക്കും കുടുംബാംഗങ്ങള്‍ക്കുമാണ് പദ്ധതിയുടെ ഭാഗമായി സംരംഭങ്ങള്‍ തുടങ്ങാനാകുക. പദ്ധതി പ്രവര്‍ത്തനങ്ങള്‍ ബ്ലോക്ക് തലത്തില്‍ ഏകോപിപ്പിക്കുന്നതിനായി ബ്ലോക്ക് നോഡല്‍ സൊസൈറ്റി ഫോര്‍ എന്റര്‍പ്രൈസ് പ്രൊമോഷന്‍ എന്ന പേരില്‍ സൊസൈറ്റി രൂപീകരിച്ചു. 

   എലവഞ്ചേരി സിഡിഎസ് ചെയര്‍പേഴ്‌സണ്‍ അംബികയെ സൊസൈറ്റിയുടെ ചെയര്‍പേഴ്‌സണായി തിരഞ്ഞെടുത്തു. അഞ്ച് കോടിയോളം രൂപയാണ് പദ്ധതിയ്ക്കായി ബ്ലോക്കില്‍ ചിലവഴിക്കാന്‍ സര്‍ക്കാര്‍ ഉദ്ദേശിക്കുന്നത്. ബ്ലോക്ക് നോഡല്‍ രൂപീകരണയോഗം നെന്മാറ എംഎല്‍എ കെ.ബാബു ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് രാമകൃഷ്ണന്‍ അദ്ധ്യക്ഷത വഹിച്ചു. 

   ജില്ലാ മിഷന്‍ കോര്‍ഡിനേറ്റര്‍ പി.സൈതലവി, എഡിഎംസി എം.ദിനേശ്, ജില്ലാ പ്രോഗ്രാം മാനേജര്‍ സഞ്ജയ് എന്നിവര്‍ പങ്കെടുത്തു സംസാരിച്ചു.

 

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.