കൊച്ചി: ത്രിപുരയുടെ പേരില് കേരളത്തില് വര്ഗീയ സംഘര്ഷമുണ്ടാക്കാന് സപിഎം ശ്രമിക്കുന്നുണ്ടോയെന്ന് പരിശോധിക്കണമെന്ന് കോണ്ഗ്രസ് നേതാവ് വിടി ബല്റാം. ബല്റാമന്റെ ഫേസ്ബുക്ക് പോസ്റ്റ്:
ത്രിപുരയില് സിപിഎം ഓഫീസുകള്ക്കെതിരെയും കമ്മ്യൂണിസ്റ്റ് സ്വേച്ഛാധിപതികളുടെ പ്രതിമകള്ക്കെതിരെയും ആര്എസ്എസിന്റെയും ജനക്കൂട്ടത്തിന്റെയും ആക്രമണങ്ങള് നടക്കുന്നതായി ദേശീയ മാധ്യമങ്ങളുടെയടക്കം വാര്ത്തകളില് കാണുന്നു. എന്നാല് അവിടെ മുസ്ലിം, ക്രിസ്ത്യന് ദേവാലയങ്ങള് വ്യാപകമായി ആക്രമിക്കപ്പെടുന്നതായി സിപിഎം ന്യൂസ് പോര്ട്ടലുകളില് വാര്ത്തകളുണ്ട്. പോരാളി ഷാജി, അശോകന് ചരുവില് തുടങ്ങിയ സൈബര് സഖാക്കളുടെ ഫേസ്ബുക്ക് പോസ്റ്റുകളിലുമുണ്ട്. എന്നാല് ത്രിപുരയിലെ സിപിഎം നേതാക്കളടക്കമുള്ളവരുടെ ട്വിറ്റര്/ടിവി പ്രതികരണങ്ങളിലും ഇതില്ല. മറ്റെങ്ങും ഇത്തരം വാര്ത്തയില്ല.
ഇതിന്റെ പേരില് കേരളത്തില് വര്ഗീയ വികാരം ഇളക്കിവിടാനുള്ള ആസൂത്രിത ശ്രമങ്ങള് നടക്കുന്നുണ്ടോ എന്ന് സര്ക്കാരും പോലീസിലെ സൈബര് ക്രൈം വിഭാഗവും ഗൗരവപൂര്വ്വം പരിശോധിക്കണം. ബല്റാം പോസ്റ്റില് തുടര്ന്നു.
പ്രതികരിക്കാൻ ഇവിടെ എഴുതുക: