തിരുവനന്തപുരം: ടിപി വധക്കേസിലെ പ്രതികള്ക്ക് ശിക്ഷാ ഇളവില്ല. സര്ക്കാര് ഗവര്ണര്ക്ക് സമര്പ്പിച്ച 740 പേരുടെ പട്ടികയില് ടിപി കേസ് പ്രതികളുടെ പേരില്ല. കൊടി സുനി, കെ.സി രാമചന്ദ്രന്, കുഞ്ഞനന്തന് തുടങ്ങി കേസിലെ 11 പ്രതികളെ ശിക്ഷാ ഇളവ് നല്കി മോചിപ്പിക്കാന് നേരത്തെ തീരുമാനിച്ചിരുന്നു. ഇത് ഏറെ വിവാദം ഉണ്ടാക്കിയിരുന്നു.
ചന്ദ്രബോസ് വധക്കേസിലെ പ്രതി മുഹമദ് നിസാമിനെയും പട്ടികയില് നിന്നും ഒഴിവാക്കിയിട്ടുണ്ട്. ജയില് വകുപ്പ് നല്കുന്ന പട്ടിക ഡിജിപിയും ഉന്നത ഉദ്യോഗസ്ഥരും അടങ്ങുന്ന ഒരു സമിതി പരിശോധിച്ച ശേഷമാണ് സര്ക്കാരിന്റെ അന്തിമ പട്ടിക തയാറാക്കുന്നത്.
ലൈംഗിക കുറ്റകൃത്യങ്ങളില് പെടുന്നവര്, കുട്ടികളെ ലൈംഗിക ക്രൂരകൃത്യത്തിന് വിധേയരാക്കുന്നവര്, ഞെട്ടിക്കുന്ന കൊലപാതക കേസുകളില് പെട്ട് ഇരട്ട ജിവപര്യന്തം അനുഭവിക്കുന്നവര് എന്നിവര്ക്ക് ശിക്ഷാ ഇളവ് ലഭിക്കാറില്ല.
കേരളപ്പിറവിയുടെ അറുപതാം വാര്ഷികാഘോഷങ്ങളുടെ ഭാഗമായാണ് തടവുകാര്ക്ക് ശിക്ഷാ ഇളവ് നല്കാനായി ജയില്വകുപ്പ് പട്ടിക തയാറാക്കിയത്.
പ്രതികരിക്കാൻ ഇവിടെ എഴുതുക: