തലശ്ശേരി: ബിജെപി മുഴപ്പിലങ്ങാട് പഞ്ചായത്ത് പ്രസിഡണ്ട് പി.സന്തോഷിനെ വെട്ടിക്കൊലപ്പെടുത്താന് ശ്രമിച്ച സംഭവത്തില് നാല് സിപിഎമ്മുകാര്ക്കെതിരെ എടക്കാട് പോലീസ് കേസെടുത്തു. തിങ്കളാഴാച രാത്രി 9 മണിയോടെ കുളംബസാറില്വെച്ചാണ് സന്തോഷിന് വെട്ടേറ്റത്. ഓട്ടോറിക്ഷാ ഡ്രൈവറായ സന്തോഷ് ഓട്ടോറിക്ഷ ഉടമയുടെ വീട്ടില്വെച്ച് സൈക്കിളില് തിരിച്ചുവരുന്നതിനിടയിലായിരുന്നു സംഭവം. സാരമായി വെട്ടേറ്റ് ഗുരുതരാവസ്ഥയിലുള്ള സന്തോഷ് തലശ്ശേരി ഇന്ദിരാഗാന്ധി ആശുപത്രിയില് ചികിത്സയിലാണ്. സംഭവത്തില് പ്രതിഷേധിച്ച് ബിജെപി ആഹ്വാനം ചെയ്ത ഹര്ത്താല് പൂര്ണ്ണം. രാവിലെ 6 മുതല് വൈകിട്ട് 6 വരെയായിരുന്നു ഹര്ത്താല്. എടക്കാട് എസ്ഐ മഹേഷ് കണ്ടമ്പേത്തിന്റെ നേതൃത്വത്തിലുള്ള പോലീസ് സംഘമാണ് കേസ് അന്വേഷിക്കുന്നത്.
പ്രതികരിക്കാൻ ഇവിടെ എഴുതുക: