മട്ടന്നൂര്: വീട്ടുമുറ്റത്ത് നിര്ത്തിയിട്ടിരുന്ന ബിജെപി നേതാവിന്റെ കാര് അടിച്ചുതകര്ത്തു. ബിജെപി മട്ടന്നൂര് നിയോജകമണ്ഡലം മുന് പ്രസിഡണ്ടും സംസ്ഥാന കൗണ്സില് അംഗവുമായ പെരിഞ്ചേരിയിലെ സി.വി.വിജയന്മാസ്റ്ററുടെ മാരുതി ആള്ട്ടോ കാറാണ് അടിച്ചുതകര്ത്തത്. അക്രമത്തില് കാറിന്റെ പിന്ഭാഗത്തെ ഗ്ലാസ് തകര്ന്നിട്ടുണ്ട്. സീറ്റിനും കേടുപാട് സംഭവിച്ചിട്ടുണ്ട്. ഇന്നലെ രാവിലെയാണ് സംഭവം ശ്രദ്ധയില്പെടുന്നത്. സംഭവത്തിനുപിന്നില് സിപിഎംപ്രവര്ത്തകരാണെന്ന് സംശയിക്കുന്നു. മട്ടന്നൂര് പോലീസ് സ്ഥലത്തെത്തി അന്വേഷണം നടത്തിവരുന്നു. വിജയന്മാസ്റ്റരുടെ കാറിനു നേരെ കഴിഞ്ഞ വര്ഷവും അക്രമം നടന്നിരുന്നു. സംഘര്ഷങ്ങളൊന്നുമില്ലാത്ത ഈ മേഖലയില് വീണ്ടും സംഘര്ഷം കുത്തിപ്പൊക്കാന് ചിലര് ശ്രമിക്കുന്നതിന്റെ ഭാഗമായാണ് ബിജെപി നേതാവിന്റെ കാറിന് നേരെയുള്ള അക്രമമെന്ന് സംശയിക്കുന്നു.
പ്രതികരിക്കാൻ ഇവിടെ എഴുതുക: