പാനൂര്: വീട്ടുവേലയ്ക്കെത്തിയ വീട്ടില് നിന്നും പീഡനം മൂലം വീടുവിട്ടോടിയ പ്രായപൂര്ത്തിയാകാത്ത പെണ്കുട്ടിയെ നാട്ടുകാര് പോലീസില് ഏല്പ്പിച്ചു. കൈവേലിക്കല് പതിയന്റവളപ്പില് അബ്ദുളളയുടെ വീട്ടില് നിന്നണ് ഇന്നലെ പുലര്ച്ചെ പെണ്കുട്ടി ഓടി രക്ഷപ്പെട്ടത്. രാവിലെ സമീപത്തെ വീട്ടില് ഒളിച്ച പെണ്കുട്ടിയെ നാട്ടുകാര് പോലീസില് ഏല്പ്പിക്കുകയായിരുന്നു. പോലീസ് ചോദ്യം ചെയ്യലില് 17 വയസുളള തമിഴ്നാട് സ്വദേശിനിയാണെന്നാണ് മൊഴി നല്കിയിട്ടുളളത്. പെണ്കുട്ടിയെ തലശേരി ചൈല്ഡ് ലൈന് ഹോമിലേക്ക് മാറ്റി. സംഭവത്തെക്കുറിച്ച് വ്യക്തമായ അന്വേഷണം നടത്തി കേസെടുക്കുമെന്ന് സിഐ വി.വി.ബെന്നി അറിയിച്ചു.
പ്രതികരിക്കാൻ ഇവിടെ എഴുതുക: