പുതിയ ബാങ്ക് അക്കൗണ്ട്, പാസ്‌പോര്‍ട്ട് എന്നിവയ്ക്ക് ആധാര്‍ നിര്‍ബന്ധം

Wednesday 14 March 2018 4:05 pm IST
"undefined"

ന്യൂദല്‍ഹി: ബാങ്ക് അക്കൗണ്ട്, തത്കാല്‍ പാസ്‌പോര്‍ട്ട് എന്നിവയ്ക്ക് അപേക്ഷിക്കണമെങ്കില്‍ ആധാര്‍ കാര്‍ഡ് ഹാജരാക്കണമെന്നത് തുടരും. നിലവിലെ ബാങ്ക് അക്കൗണ്ട്, പാന്‍ കാര്‍ഡ് എന്നിവ ആധാര്‍ കാര്‍ഡുമായി ബന്ധിപ്പിക്കാനുള്ള സമയപരിധി അനിശ്ചിതമായി നീട്ടിക്കൊണ്ട് സുപ്രീംകോടതി കഴിഞ്ഞ ദിവസം ഉത്തരവിറക്കിയിരുന്നു. 

എന്നാല്‍ ഉത്തരവ് പ്രകാരം നിലവിലെ ബാങ്ക് പാന്‍ അക്കൗണ്ടുകളെ ആധാറുമായി ബന്ധിപ്പിക്കുന്നതിന്റെ സമയ പരിധി മാത്രമാണ് അനിശ്ചിത കാലത്തേയ്ക്ക് നീട്ടിവെച്ചിരിക്കുന്നത്. പുതിയ ബാങ്ക് അക്കൗണ്ട്, തത്കാല്‍ പാസ്‌പോര്‍ട്ട് എന്നിവയ്ക്ക് അപേക്ഷ നല്‍കുന്നതിന് ആധാര്‍ വിവരങ്ങള്‍ ചേര്‍ക്കണമെന്നത് തുടരും.

നിലവില്‍ ആധാര്‍ കാര്‍ഡ് ഇല്ലാത്തവര്‍ ഇതിനായി അപേക്ഷ സമര്‍പ്പിക്കേണ്ടതാണ്. അല്ലെങ്കില്‍ ഇത്തരം സേവനങ്ങള്‍ക്ക് ആധാറിനായി അപേക്ഷ സമര്‍പ്പിച്ച നമ്പര്‍ ചേര്‍ക്കേണ്ടതാണെന്നും ചൊവ്വാഴ്ചത്തെ സുപ്രീംകോടതി ഉത്തരവില്‍ പറയുന്നുണ്ട്. 

ബാങ്ക് അക്കൗണ്ട്, പാന്‍ കാര്‍ഡ് എന്നിവയുമായി ആധാര്‍ ബന്ധിപ്പിക്കേണ്ടതിന്റെ സമയ പരിധി മാര്‍ച്ച് 31ന് അവസാനിക്കുന്ന സാഹചര്യത്തിലാണ് സുപ്രീംകോടതി ഇത് നീട്ടിക്കൊണ്ട് ഉത്തരവിട്ടത്. 12 അക്ക ആധാര്‍ കാര്‍ഡ് നമ്പര്‍ കേന്ദ്രസര്‍ക്കാര്‍ സേവനങ്ങള്‍ക്കും മറ്റും ഇപ്പോള്‍ നിര്‍ബന്ധമാണ്.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.