അനന്തപുരി ഹിന്ദുസമ്മേളനം 20മുതല്‍

Thursday 15 March 2018 2:35 am IST

തിരുവനന്തപുരം : ഹിന്ദുധര്‍മ്മ പരിഷത്തിന്റെ ആഭിമുഖ്യത്തില്‍  നടക്കുന്ന 7-ാമത് അനന്തപുരി ഹിന്ദുമഹാസമ്മേളനം ഈ മാസം 20 മുതല്‍ 24 വരെ പുത്തരിക്കണ്ടം മൈതാനത്ത് നടക്കും. 20ന് വൈകുന്നേരം അഞ്ച് മണിക്ക് ശ്രീരാമദാസ മിഷന്‍ പ്രസിഡന്റ് സ്വാമി ബ്രഹ്മപാദാനന്ദ സരസ്വതി ഭദ്രദീപം തെളിയിക്കുന്നതോടെ സമ്മേളനത്തിന് തുടക്കമാകും.  ഒ. രാജഗോപാല്‍ എംഎല്‍എ സമ്മേളനം ഉദ്ഘാടനം  ചെയ്യും. കശ്യപവേദ റിസര്‍ച്ച് സെന്റര്‍ ഡയറക്ടര്‍ എം.ആര്‍.രാജേഷ് മുഖ്യപ്രഭാഷണം നടത്തും. ഹൈന്ദവ സംസ്‌ക്കാരത്തെക്കുറിച്ച് നിംസ് മെഡിസിറ്റി എം.ഡി. ഫൈസല്‍ ഖാന്‍ പ്രഭാഷണം നടത്തും. 

21 ന് രാവിലെ 11 മണിക്ക് സാമൂഹ്യ സമത്വം എന്ന വിഷയത്തെക്കുറിച്ചുള്ള സെമിനാര്‍ മാതാഅമൃതാനന്ദമയി മഠം സ്വാമി വിവേകാമൃതപുരി ഉദ്ഘാടനം ചെയ്യും. വൈകുന്നേരം 5.30ന് നടക്കുന്ന സാമൂഹ്യ സമത്വസമ്മേളനം മഞ്ചേരി ഭാസ്‌ക്കരപിള്ള ഉദ്ഘാടനം ചെയ്യും. ഡോ. അയ്യപ്പന്‍ നായര്‍ അദ്ധ്യക്ഷത വഹിക്കും. ഡോ. എന്‍.ആര്‍. മധു മുഖ്യപ്രഭാഷണം നടത്തും. 22ന്  വൈകുന്നേരം അഞ്ച് മണിക്ക് നടക്കുന്ന വനിതാ സമ്മേളനം അശ്വതിതിരുനാള്‍ ഗൗരി ലക്ഷ്മിഭായി ഉദ്ഘാടനം ചെയ്യും. 

ഹിന്ദു സ്പിരിച്വല്‍ ആന്റ് സര്‍വീസ് ഓര്‍ഗനൈസേഷന്‍ ഡയറക്ടര്‍ രാജലക്ഷ്മി, കേരള ക്ഷേത്ര സംരക്ഷണ സമിതി രക്ഷാധികാരി പ്രൊഫ: വി.റ്റി.രമ തുടങ്ങിയവര്‍ പ്രസംഗിക്കും.  23ന് രാവിലെ 11 മണിക്ക് കര്‍മ്മ പഥത്തിലെ ധാര്‍മികത എന്ന വിഷയത്തില്‍ സെമിനാര്‍  ആന്റികറപ്ഷന്‍ പീപ്പിള്‍സ് മൂവ്‌മെന്റ് പ്രസിഡന്റ് അഡ്വ. രാജേന്ദ്രന്‍നായര്‍ ഉദ്ഘാടനം ചെയ്യും. വൈകുന്നേരം 5.30ന് രാഷ്ട്രരക്ഷാ സമ്മേളനം പ്രജ്ഞാ പ്രവാഹ് അഖിലേന്ത്യാ സംയോജകന്‍ ജെ.നന്ദകുമാര്‍ ഉദ്ഘാടനം ചെയ്യും. 24ന് രാവിലെ 11 മണിക്ക് തീരദേശ പാരിസ്ഥിതിക പ്രശ്‌നങ്ങള്‍ ഓഖി ദുരന്തത്തിന്റെ പശ്ചാത്തലത്തില്‍ എന്ന വിഷയത്തെ സംബന്ധിച്ച സെമിനാര്‍ ഫിഷറീസ് യൂണിവേഴ്‌സിറ്റി  വിസി ഡോ. രാമചന്ദ്രന്‍ ഉദ്ഘാടനം ചെയ്യും. 

മാര്‍ച്ച് 17മുതല്‍ പൈതൃകോത്സവം എന്ന പേരില്‍ നൂറോളം സ്റ്റാളുകളില്‍ ഒരുക്കിയ പ്രദര്‍ശനമുണ്ടാകും. വാര്‍ത്താസമ്മേളനത്തില്‍  സംഘാടകസമിതി ചെയര്‍മാന്‍ ആര്‍.എസ്. നായര്‍,എം. ഗോപാല്‍ എന്‍.കെ. അരുണ്‍ തുടങ്ങിയവര്‍ സംബന്ധിച്ചു. 

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.