കൊച്ചി : കര്ദ്ദിനാളിനെതിരായ ഭൂമി വിവാദത്തില് കേസെടുക്കാന് നിര്ദേശിച്ചിട്ടും നിയമോപദേശം തേടിയ സാഹചര്യമെന്താണെന്ന് സര്ക്കാര് വിശദീകരിക്കണമെന്ന് ഹൈക്കോടതി നിര്ദേശം നല്കി. ഭൂമി വിവാദത്തില് കേസെടുക്കാന് വിധിച്ചിട്ടും പോലീസ് നടപടി വൈകിയതെന്തെന്നു പ്രോസിക്യൂഷന് ഡയറക്ടര് ജനറല് വിശദീകരിക്കണമെന്ന് സിംഗിള്ബെഞ്ച് നിര്ദേശിച്ചു.
ഭൂമിയിടപാടില് ക്രമക്കേടുണ്ടെന്നും പരാതി നല്കിയിട്ട് പോലീസ് കേസെടുത്തില്ലെന്നും ചൂണ്ടിക്കാട്ടി ചേര്ത്തല സ്വദേശി ഷൈന് വര്ഗീസ് നല്കിയ ഹര്ജിയിലാണ് സിംഗിള്ബെഞ്ച് കേസ് രജിസ്റ്റര് ചെയ്യാന് ഉത്തരവിട്ടിരുന്നത്. ഈ ഉത്തരവ് പാലിച്ചില്ലെന്നാരോപിച്ച് എറണാകുളം റേഞ്ച് ഐജി വിജയ് സാക്കറേ, അസി. കമ്മിഷണര് കെ. ലാല്ജി എന്നിവര്ക്കെതിരെ കോടതിയലക്ഷ്യത്തിന് നടപടി എടുക്കണമെന്നാവശ്യപ്പെട്ട് അങ്കമാലി സ്വദേശി മാര്ട്ടിന് പയ്യപ്പള്ളി ഹൈക്കോടതിയെ സമീപിച്ചു. ഈ ഹര്ജിയിലാണ് സിംഗിള്ബെഞ്ച് വിശദീകരണം തേടിയത്.
പ്രതികരിക്കാൻ ഇവിടെ എഴുതുക: