ഇപിഎഫ് മിനിമം പെന്‍ഷന്‍ ഇരട്ടിയാക്കുന്നു; 40 ലക്ഷം പേര്‍ക്ക് ഗുണകരം

Friday 16 March 2018 12:30 pm IST

ന്യൂദല്‍ഹി: എംപ്ലോയീസ് പ്രോവിഡന്റ് ഫണ്ടിന്റെ കുറഞ്ഞ പെന്‍ഷന്‍ ഇരട്ടിയാക്കുന്നു. നിലവിലെ 1000 രൂപയില്‍നിന്ന് 2000 രൂപയാക്കാനാണ് സര്‍ക്കാര്‍ നിര്‍ദേശം. ഇപിഎഫ് മിനിമം പെന്‍ഷന്‍ ഇരട്ടിയാക്കിയാല്‍ എത്ര ബാധ്യതയുണ്ടാകുമെന്ന് അറിയിക്കാന്‍ ഇപിഎഫ്‌ഒയെ കേന്ദ്ര തൊഴില്‍ മന്ത്രാലയം ചുമതലപ്പെടുത്തി.

40 ലക്ഷം പേര്‍ക്ക് ഇതിന്റെ ഗുണം ലഭിക്കുമെന്നാണ് കണക്കാക്കുന്നത്. 3,000 കോടി രൂപയുടെ അധികബാധ്യതയാണ് ഉണ്ടാകുയെന്നും വിലയിരുത്തുന്നു. ഇപിഎസ് -95 പദ്ധതിക്കുകീഴില്‍ നിലവില്‍ 60 ലക്ഷംപേരാണുള്ളത്. ഇതില്‍തന്നെ 40 ലക്ഷം പേര്‍ക്കും 1,500 രൂപയില്‍താഴെയാണ് പെന്‍ഷന്‍ ലഭിക്കുന്നത്.  

ചുരുങ്ങിയ പെന്‍ഷന്‍ 3000 - 7,500 രൂപയാക്കാന്‍ സര്‍ക്കാരിനുമുന്നില്‍ ഏറെക്കാലമായി സമ്മര്‍ദമുണ്ട്. വിവിധ ട്രേഡ് യൂണിയനുകളും ഇപിഎസ് 95 പദ്ധതിയിലെ പെന്‍ഷന്‍കാരും നേരത്തെതന്നെ ഈ ആവശ്യമുന്നയിച്ച്‌ രംഗത്തുവന്നിരുന്നു.

സര്‍ക്കാരിന്റെ നിര്‍ദേശം പരിഗണിച്ച്‌ ഇപിഎഫ്‌ഒ ഉടനെ തീരുമാനമെടുത്തേക്കുമെന്നാണ് കരുതുന്നത്.  

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.