കോട്ടയം: ഹയര് സെക്കന്ഡറി വിഭാഗത്തെ പൊതു വിദ്യാഭ്യാസ വിഭാഗത്തില് (ഡിപിഐ) ലയിപ്പിക്കരുതെന്ന് എയ്ഡഡ് ഹയര് സെക്കന്ഡറി ടീച്ചേഴ്സ് അസോസിയേഷന് ആവശ്യപ്പെട്ടു.
ശാസ്ത്രപാഠപുസ്തകങ്ങള് മലയാളത്തിലാക്കാനുള്ള നീക്കവും അധ്യാപകര്ക്ക് നിയമന അംഗീകാരം നല്കാത്തതും ഹയര്സെക്കന്ഡറി മേഖലയെ തകര്ക്കാനാണെന്ന് ഭാരവാഹികള് പത്രസമ്മേളനത്തില് പറഞ്ഞു.
ഡിപിഐയിലേക്ക് ഹയര് സെക്കന്ഡറിയിലെ 10 ലക്ഷം വിദ്യാര്ത്ഥികളും 30,000 അധ്യാപകരും ചേര്ന്നാല് പരീക്ഷകളും ഫലപ്രഖ്യാപനവും അവതാളത്തിലാകും. ലയനത്തിനെതിരെ 23ന് സെക്രട്ടറിയേറ്റ് പടിക്കല് ധര്ണ്ണ നടത്തും.
പത്രസമ്മേളനത്തില് സംസ്ഥാന ജനറല് സെക്രട്ടറി എസ്. മനോജ്, സംഘടന സെക്രട്ടറി ഡോ. കെ.എം. തങ്കച്ചന് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: