ആലപ്പുഴ: സങ്കേതിക തകരാറിനെ തുടര്ന്ന് നാവികസേനയുടെ ചേതക് ഹെലിക്കോപ്റ്റര് ആലപ്പുഴ പാടത്ത് അടിയന്തര ലാന്ഡിംഗ് നടത്തി. ഹെലിക്കോപ്റ്ററില് ഉണ്ടായിരുന്ന രണ്ട് ഉദ്യോഗസ്ഥരും സുരക്ഷിതരാണെന്നും മറ്റ് അപകടങ്ങള് ഒന്നും ഉണ്ടായില്ലെന്നും നാവിക സേന അറിയിച്ചു.
നിരീക്ഷണപ്പറക്കലിനിടെയാണ് ഹെലികോപ്റ്ററിന് സാങ്കേതിക തകരാര് നേരിട്ടത്. കോക്പിറ്റില് അപായ സിഗ്നല് ലഭിച്ചതോടെ പൈലറ്റ് വിവരം നാവികസേനയുടെ കണ്ട്രോള് റൂമില് അറിയിച്ചു. സുരക്ഷിതമായ സ്ഥലത്ത് എത്രയും പെട്ടെന്ന് ലാന്ഡിംഗ് നടത്താനാണ് ദക്ഷിണ നാവിക കമാന്ഡില് നിന്നും നിര്ദ്ദേശം ലഭിച്ചത്.
തകരാര് അനുഭവപ്പെട്ട സമയത്ത് ആലപ്പുഴയ്ക്ക് മുകളിലായിരുന്നു ഹെലിക്കോപ്റ്റര്. തുടര്ന്ന് മുഹമ്മ കാവുങ്കലിലെ കെ.പി മെമ്മോറിയല് സ്കൂളിന് സമീപമുള്ള പാടത്ത് ഹെലിക്കോപ്റ്റര് സുരക്ഷിതമായി ഇറക്കുകയായിരുന്നു.
പ്രതികരിക്കാൻ ഇവിടെ എഴുതുക: