ആലപ്പുഴ: കുടിവെള്ള വിതരണത്തിന് തദ്ദേശഭരണസ്ഥാപനങ്ങളുടെ തനതുഫണ്ടും പദ്ധതി വിഹിതവും ഉപയോഗിക്കാന് അനുമതി നല്കുന്ന ഉത്തരവ് താമസിയാതെ നല്കുമെന്ന് മന്ത്രിമാരായ ഇ. ചന്ദ്രശേഖരനും മാത്യു ടി. തോമസും പറഞ്ഞു.
വേനല്ക്കാല മുന്നൊരുക്കത്തിന്റെ ഭാഗമായി ജലവിതരണം സംബന്ധിച്ച് നേരിടുന്ന പ്രശ്നങ്ങള് ചര്ച്ച ചെയ്യാന് വിളിച്ച വീഡിയോ കോണ്ഫറന്സിലാണ് മന്ത്രിമാര് ഇക്കാര്യം വ്യക്തമാക്കിയത്.
ചെങ്ങന്നൂരില് കുടിവെള്ള പദ്ധതികളൊന്നുമില്ലാത്തതിന്റെ പ്രശ്നങ്ങളുണ്ടെന്ന് ജില്ലാ കളക്ടര് ടി.വി. അനുപമ വ്യക്തമാക്കി.
ഈ വര്ഷം വേനല്കാലത്ത് കുടിവെള്ളവിതരണം ചെയ്യാന് ജില്ലയ്ക്ക് നാലു കോടി രൂപ ആവശ്യമായി വരുമെന്ന് ജില്ലാകളക്ടര് ടി.വി. അനുപമ പറഞ്ഞു. കഴിഞ്ഞ വര്ഷം 4.6 കോടി രൂപ അനുവദിച്ചതില് 3.58 കോടി രൂപ ചെലവായി.
വിവിധ ഭാഗങ്ങളിലായി 529 കുടിവെള്ള കിയോസ്കുകളില് രണ്ടെണ്ണമൊഴികെ ബാക്കിയെല്ലാം പ്രവര്ത്തിക്കുന്നുണ്ട്.
പ്രതികരിക്കാൻ ഇവിടെ എഴുതുക: