”എന്റെ കല്ബിലെ വെണ്ണിലാവേ…”
”ന്താ ന്റെ ഇക്കേട്ടാ…?”
”രണ്ടു ബാഷേം കൂട്ടീള ബിളി ബേണ്ടാ പെണ്ണേ!”
”കാലപ്പഴക്കം കൊണ്ടേ വിളി ശരിയാവൂ ന്റെ നല്ല പാട്ടുകാരാ…”
”ഇങ്ങനെ പാട്ടും കൂത്തുമായി നടന്നാ മതിയൊ ഞമ്മക്ക്…?”
”പോരാ…”
”ഒരു കുടുമോം കുറേ കുട്ടീം ഒക്കെ ബേണ്ടേ…?”
”വേണം.”
”ബേണം എന്നു പറയടി ഹമുക്കേ! സംസാരിക്കുമ്പൊ ബാഷാച്ചുദ്ധി ബേണ്ടേടീ…?”
”ഇങ്ങടെ കൂടെ കൂടിയാപ്പിന്നെ ബാഷാച്ചുദ്ധി തന്നേ ബരും ഇക്കേട്ടാ…”
”അമ്പടി ബെടക്കേ, ഞമ്മള് പെരുത്ത ആലോചനേലാപ്പാ.”
”അതെന്താപ്പൊ ത്ര ആലോചിക്കാന്?”
”ഒന്നൂല്ല; നിന്നേം കൊണ്ട് എന്നാ കടല് കടക്കാന്ന്!”
”ഇക്കേട്ടന് റെഡിയായാല് ഞാന് ഡബ്ബിള് റെഡി.”
”അപ്പൊ നിന്റെ തന്തേം തള്ളേം പിന്നെ ആറാംപിറന്ന കൂടപ്പിറന്നോനും…?”
”ഇനിയൊക്കെയും എന്റെ ഇക്കേട്ടനാണ്.”
”പഹയര് തടഞ്ഞാ…?”
”അവര് അറിയും മുമ്പേ നമുക്ക് പമ്പ കടക്കണം.”
”ബേണ്ടാ ബേണ്ടാ, പമ്പ ബേണ്ടാ. നിര്ബ്ബന്ധാച്ചാ കബനി മതി!”
”എന്നാ കബനി കടക്കണം ന്നായിക്കോട്ടേ; ഞാനൊരു ശൈലി വെറുതെ പറഞ്ഞതല്ലേ!”
”ബിപ്ലവം പൊറുത്താലും മതേതരം ഞമ്മക്ക് സഹിക്കൂല.”
”അപ്പൊ നമ്മുലെ ലൗ?!”
”മ്മടെ മുഹബത്ത് മതേതരത്തേക്കാള് മഹത്തരമായ തരാതരമല്ലേ!”
”മതങ്ങള്+തരാതരം=മതേതരമെന്ന്…”
”മുടുക്കി…(ബേണച്ചാ ‘തേ’യ്ക്കു പകരം ‘ദേ’ന്ന് പൂശിക്കോ – മദേതരം!)”
”പക്ഷേ ഇക്കേട്ടാ….”
”പിന്നെന്താ പൊന്നേ ഒരുപക്ഷേ!”
”ഇന്ത്യേടെ ഏത് മൂലേ ചെന്നൊളിച്ചാലും കണ്ടുപിടിക്കുംന്നാ അമ്മേടെ ഭീഷണി.”
”ന്നാ ഞമ്മള് രക്ഷപ്പെട്ടൂ…”
”സ്വന്തം ഗര്ഭപാത്രത്തില് സൂക്ഷിക്കാന് പറ്റുന്ന പ്രായം കഴിഞ്ഞതിലാ ഇപ്പൊ അമ്മേടെ സങ്കടം. ഇക്കേട്ടനെന്റെ വീട്ടുകാരെ പേടിയില്ലേ?”
”നിന്റെ തന്തപ്പിടീടെ നോട്ടം ആലോചിക്കുമ്പൊ തന്നെ ഞമ്മക്ക് ബയറിളകും. ഇന്ത്യേടെ ഒരു മൂലേം ഞമ്മക്ക് ബേണ്ട.”
”പിന്നെ?”
”നമ്മളതിന് പോണത് ബിദേശത്തേക്കാടി. അവിടെയാവുമ്പൊ നിനക്കും കൂടി ഒരസ്സല് പണി കിട്ടും.”
”അപ്പൊ നമ്മള് മുങ്ങാംപോണത് ഗള്ഫിലേക്കാ”?
”അറബിപ്പണത്തിന്റെ കാലൊക്കെ കഴിഞ്ഞടീ. ബംഗാളിക്ക് പിന്നാലെ മലയാളിക്ക് പൊറോട്ടയടിക്കാന് ബരണത് അറബിയാവും.”
”അപ്പൊ എനിക്കും കൂടി പണി കിട്ടണ രാജ്യം?”
”അഫ്ഘാന്…”
”അഫ്ഘാനിസ്ഥാനോ…!”
”അതേടീ. നീയൊരു എഞ്ചിനിയറിങ്കാരിയല്ലേ?”
”മെക്കാനിക്കല് എഞ്ചിനിയറാ.”
”അതാ പറയാന് ബന്നത്. നിനക്ക് പറ്റിയ പണി തന്നെയാ കിട്ടാ.”
”എന്ത് ജോലിയാന്ന് പറ ഇക്കേട്ടാ… പറ ഇക്കേട്ടാ…”
”തോക്കുകള്ക്ക് എണ്ണേടല്. പെണ്ണുംങ്ങോള്ക്ക് ഒട്ടും ബുദ്ധിമുട്ടില്ലാത്ത പണിയാ ആ പണി!”
”നല്ല ശമ്പളം കിട്ട്വോ…?”
”അത് ശൈത്താന് ട്രമ്പിക്കാന്റെ കാരുണ്യം പോലിരിക്കും!!”
പ്രതികരിക്കാൻ ഇവിടെ എഴുതുക: