മുണ്ടേരി: അക്ഷയശ്രീ മുണ്ടേരി, ഒമേഗ ഹോസ്പിറ്റല് മംഗലാപുരം, സേവാഭാരതി കണ്ണൂര്, അമ്മ ഓര്ഫനേജ് ചാരിറ്റബിള് ട്രസ്റ്റ് എന്നിവയുടെ സംയുക്താഭിമുഖ്യത്തില് സൗജന്യ ഹൃദ്രോഗ, പ്രമേഹരോഗ നിര്ണയ ക്യാമ്പ് നടത്തി. മുണ്ടേരി സെന്ട്രല് യുപി സ്കൂളില് നടന്ന ക്യാമ്പ് അഡ്വ.കെ.കെ.ബാലറാം ഉദ്ഘാടനം ചെയ്തു. അമ്മ ഓര്ഫനേജ് ചാരിറ്റബിള് ട്രസ്റ്റ് ചെയര്മാന് കെ.ജി.ബാബു അധ്യക്ഷത വഹിച്ചു. ക്യാമ്പില് മാനസിക വെല്ലുവിളി നേരിടുന്നവര്ക്കിടയിലെ പ്രവര്ത്തനമികവിന് റിപ്പബ്ലിക് ദിന പുരസ്കാരം നേടിയ എടക്കാട് പോലീസ് സ്റ്റേഷനിലെ എഎസ്ഐ ആര്.പി.വിനോദിനെ ആദരിച്ചു. സേവാഭാരതി സംസ്ഥാന കമ്മറ്റിയംഗം എം.രാജീവന് കാരുണ്യസേവാനിധി സമര്പ്പണം നടത്തി. ഡോ.മൊയ്തു മഠത്തില്, വി.ആര്.മനോഹരന്, പി.പി.മോഹനന്, പ്രജിത്ത് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: