കൊച്ചി: ഐ ലീഗ് രണ്ടാം ഡിവിഷന് ഫുട്ബോളില് കേരള ബ്ലാസ്റ്റേഴ്സ് റിസര്വ് ടീമിന് ജയം. രണ്ടിനെതിരെ മൂന്ന് ഗോളുകള്ക്ക് ഫത്തേ ഹൈദരാബാദിനെയാണ് തോല്പ്പിച്ചത്. കലൂര് സ്റ്റേഡിയത്തിലായിരുന്നു കളി. രണ്ട് മത്സരങ്ങള് കളിച്ച ബ്ലാസ്റ്റേഴ്സിന്റെ ആദ്യ ജയമാണിത്. കഴിഞ്ഞ ദിവസം നടന്ന ആദ്യ കൡയില് ഓസോണ് എഫ്സിയോട് ഒന്നിനെതിരെ നാല് ഗോളുകള്ക്ക് തോറ്റിരുന്നു.
ഇന്നലെ ബ്ലാസ്റ്റേഴ്സിനായി 13-ാം മിനിറ്റില് റിസ്വാന് അലി, 57-ാം മിനിറ്റില് അനന്തു മുരളി, 71-ാം മിനിറ്റില് സൂരജ് റാവത്ത് എന്നിവര് ഗോള് നേടി. ഹൈദരാബാദിനായി 63-ാം മിനിറ്റില് എഡ്മണ്ട് പേപ്ര, 82-ാം മിനിറ്റില് ഡോണ് ലെപ്ച്ച എന്നിവരാണ് ഗോള് നേടിയത്. 25ന് മധ്യ ഭാരതുമായാണ് ബ്ലാസ്റ്റേഴ്സിന്റെ അടുത്ത മത്സരം.
പ്രതികരിക്കാൻ ഇവിടെ എഴുതുക: