കണ്ണൂര്: കണ്ണൂര് സര്വ്വകലാശാല റഗുലര് റഗുലര് വിദൂര വിഭാഗങ്ങള്ക്ക് തുല്യനീതി നടപ്പിലാക്കണമെന്ന് പാരലല് കോളജ് അസോസിയേഷന് ജില്ലാ സമ്മേളനം ആവശ്യപ്പെട്ടു. അരലക്ഷം കുട്ടികള് വിദൂര വിദ്യാഭ്യാസ വിഭാഗത്തില് പഠനം നടത്തുന്നുണ്ടെങ്കിലും അവരുടെ കലാകായിക മേളകള്ക്ക് സാമ്പത്തിക സഹായം നല്കാത്തത് തികച്ചും വിവേചനപരമാണ്. അടുത്ത അധ്യയന വര്ഷത്തിലെങ്കിലും ഈ വിഷയത്തില് തീരുമാനമുണ്ടാകണമെന്നും ജില്ലാ സമ്മേളനം ആവശ്യപ്പെട്ടു.
അവസാനവര്ഷ ബിഎ ബീകോം വിദ്യാര്ത്ഥികളുടെ പ്രൊജക്ട് നിര്മ്മാണത്തിനായി ഭീമമായ തുക ചെലവാകുന്നത് സാമ്പത്തികമായി പിന്നോക്കം നില്ക്കുന്ന വിദ്യാര്ത്ഥികള്ക്ക് ബുദ്ധിമുട്ടുകള് ഉണ്ടാക്കുന്നതിനാല് ഇവ ലഘൂകരിക്കാന് വേണ്ട നടപടികള് സര്വ്വകലാശാല അധികൃതര് കൈക്കൊള്ളണമന്ന് യോഗം ആവശ്യപ്പെട്ടു. ജില്ലാ പ്രസിഡണ്ട് കെ.എന്.രാധാകൃഷ്ണന് അധ്യക്ഷത വഹിച്ചു. സംസ്ഥാന പ്രസിഡണ്ട രാജന് തോമസ് ഉദ്ഘാടനം ചെയതു. രാജേഷ് മേനോന്, കെ.യു.നാരായണന്, സി.അനില് കുമാര്, ടി.വി.രവീന്ദ്രന്, ഡോ.വിജയമ്മ നായര്, പി.ലക്ഷ്മണന്, ബിന്ദു സജിത് കുമാര്, വിജയന് മാച്ചേരി, കെ.യു.യതീന്ദ്രന്, കെ.യു.അനില് കുമാര് എന്നിവര് സംസാരിച്ചു. രാജേഷ് പാലങ്ങാട് സ്വാഗതം പറഞ്ഞു.
പുതിയ ഭാരവാഹികളായി കെ.എന്.രാധാകൃഷ്ണന് (പ്രസിഡണ്ട്),, രാജേഷ് പാലങ്ങാട് (വൈസ് പ്രസിഡണ്ട്), ടി.വി.രവീന്ദ്രന് (ജനറല് സെക്രട്ടറി), ബിന്ദു സജിത്കുമാര് (ജോ.സെക്രട്ടറി), കെ.പ്രകാശന് (ട്രഷറര്) എന്നിവരെ തെരഞ്ഞെടുത്തു.
പ്രതികരിക്കാൻ ഇവിടെ എഴുതുക: