അരൂര്: വേനല് കടുക്കാന് തുടങ്ങിയതോടെ കുടിനീരുമായി അരൂര് ദേശം കൂട്ടായ്മ. അരൂര് ക്ഷേത്രം കവലയിലെ ബസ്സ് സ്റ്റോപ്പിലാണ് കൂട്ടായ്മ അംഗങ്ങള് കര്മ്മനിരതരായത്. ഒരാഴ്ചയായി ബസ്സ് സ്റ്റോപ്പിലും അതുവഴി എത്തുന്നവര്ക്കും വിവിധയിനം ദാഹശമനികളാണ് വിതരണം ചെയ്യുന്നത്. കുലുക്കി സര്ബത്ത്, തണ്ണിമത്തന് ജൂസ്, നാരങ്ങാവെള്ളം തുടങ്ങി നിരവധിയിനം പാനീയങ്ങളാണ് നല്കുന്നത്. രാവിലെ 10 മുതല് വൈകിട്ട് നാല് വരെയാണ് പ്രവര്ത്തന സമയം. കൂട്ടായ്മയില് നിന്നുള്ള പിരിവും സമൂഹത്തിലെ സുമനസ്സുകളുടെ സഹായവും ഇക്കാര്യത്തില് ലഭ്യമാക്കും. ആയിരത്തോളം പേരടങ്ങുന്നതാണ് ഈ കൂട്ടായ്മ. ജലം അമൂല്യമാണ് അത് സംരക്ഷിക്കപ്പെടേണ്ടത് നാടിനാവശ്യമാണ്. അരൂര് എരിയകുളം പോലുള്ള ജലാശയങ്ങള് സംരക്ഷിക്കപ്പെടണം. ഏത് ആവശ്യത്തിനാണങ്കിലും അത് ഇല്ലാതാക്കരുതെന്ന് അവര് പറഞ്ഞു.
പ്രതികരിക്കാൻ ഇവിടെ എഴുതുക: