ചേര്ത്തല: മണ്ണഞ്ചേരിയില് കുഴല് കിണര് കുത്തുന്നതിനിടെ ശ്വാസം മുട്ടിമരിച്ച യുവാക്കളുടെ കുടുംബത്തിന് എസ്എന്ഡിപി യോഗം ജനറല് സെക്രട്ടറിയുടെ ദുരിതാശ്വാസ നിധിയില് നിന്നും സഹായം കൈമാറി. ഫെബ്രുവരി 13ന് മണ്ണഞ്ചേരിയില് നടന്ന സംഭവത്തില് രണ്ട് പേരാണ് മരിച്ചത്. തിരുവിഴ ശാഖാംഗം മാരാരിക്കുളം വടക്ക് 7-ാം വാര്ഡ് മേനോന് തോപ്പില് ഗംഗാധരന്റെ മകന് ഗിരിഷ്(38)ഉം, പെരുന്തുരുത്ത് ശാഖ കഞ്ഞിക്കുഴി 11-ാം വാര്ഡ് പാന്തേഴത്തുവെളി അനില്കുമാറിന്റെ മകന് അമല്(19) എന്നിവരാണ് മരിച്ചത്. കണിച്ചുകുളങ്ങര യൂണിയന് സെക്രട്ടറി കെ.കെ. മഹേശന് ഗിരിഷിന്റെ കുടുംബാംഗങ്ങള്ക്ക് വീട്ടിലെത്തി സഹായധനം കൈമാറി. കെ.കെ. പുരുഷോത്തമന്, ഗംഗാധരന് മാമ്പൊഴി, പുഷ്ക്കരന്, പി.ശിവാനന്ദന്, പി.ഡി. ബിനോയ്, ഷാജിഎന്നിവര് സംബന്ധിച്ചു. അമലിന്റെ കുടുംബത്തിന് ഇന്ന് തുക കൈമാറും.
പ്രതികരിക്കാൻ ഇവിടെ എഴുതുക: