കോട്ടയം: ഹിന്ദുത്വത്തെ അപമാനിച്ച് കോട്ടയം നഗരത്തില് ചുവരെഴുത്ത്. ഹിന്ദുക്കള് ഭക്ത്യാദരപൂര്വ്വം കാണുന്ന ഓം എന്ന ചിഹ്നത്തിനൊപ്പം പണം എന്നുകൂടി ചേര്ത്ത് ഓം പണം എന്നാണ് ചുവരെഴുത്ത്.
കെ.കെ. റോഡില് കഞ്ഞിക്കുഴി ട്രാഫിക്ക് സിഗ്നലിന് സമീപവും ഓട്ടോ സ്റ്റാന്റിന് സമീപമുള്ള പെട്രോള് പമ്പിന് എതിര്വശത്തെ മതിലിലും ഇന്നലെയാണ് ഇത്തരം ചുവരെഴുത്ത് പ്രത്യക്ഷപ്പെട്ടത്. കറുത്ത പെയിന്റിലാണ് ചുവരെഴുത്ത്.
അശ്ലീലച്ചുവയോടെ ദ്വയാര്ത്ഥ പ്രയോഗത്തില് പ്രത്യക്ഷപ്പെട്ട ചുവരെഴുത്തിനെതിരെ പ്രതിഷേധം ശക്തമായിട്ടുണ്ട്. പൊതുസമൂഹത്തില് ഹിന്ദുത്വത്തെ അപമാനിക്കാനുള്ള ഗൂഢനീക്കത്തിന്റെ ഭാഗമാണിതെന്നാണ് ആക്ഷേപം. സിപിഎം ഒത്താശയോടെ സംസ്ഥാനത്ത് ക്ഷേത്ര വിശ്വാസത്തെയും ഹിന്ദു വിശ്വാസങ്ങളെയും അപമാനിക്കാന് നടക്കുന്ന ശ്രമത്തിന്റെ ഭാഗമാണിതെന്നും ആരോപണമുണ്ട്.
ചില മുസ്ലിം തീവ്രവാദ സംഘടനകളും മാവോയിസ്റ്റ് സംഘടനകളും ഇത്തരം പ്രവര്ത്തനങ്ങളില് പങ്കാളികളാണ്. സംസ്ഥാനത്ത് പോലീസ് നിര്ജീവമാണെന്ന ആരോപണം ശരിവയ്ക്കുന്നതാണ് ഇത്തരം സംഭവങ്ങള്.
തിരക്കേറിയ നഗരത്തില് നടന്ന ഈ ചുവരെഴുത്ത് ഗൗരവത്തോടെയാണ് സമൂഹം കാണുന്നത്.
അതേ സമയം ചുവരെഴുത്തിനെക്കുറിച്ച് അറിയില്ലെന്നാണ് പോലീസും സ്പെഷ്യല് ബ്രാഞ്ചും പറയുന്നത്.
പ്രതികരിക്കാൻ ഇവിടെ എഴുതുക: