കൊച്ചി: നടിയെ ആക്രമിച്ച കേസ് പരിഗണിക്കുന്നത് ഏപ്രില് 11ലേക്ക് മാറ്റി. എറണാകുളം പ്രിന്സിപ്പല് സെഷന്സ് കോടതിയാണ് കേസിന്റെ വിചാരണ രണ്ടാഴ്ചത്തേക്ക് നീട്ടിയത്. ഏതൊക്കെ രേഖകള് പ്രതികള്ക്ക് നല്കാനാകുമെന്ന് അറിയിക്കാന് കോടതി പ്രോസിക്യൂഷനോട് നിര്ദേശിച്ചു. ഇതിനുള്ള സാവകാശത്തിനായാണ് കേസ് പരിഗണിക്കുന്നത് രണ്ടാഴ്ചത്തേക്ക് മാറ്റിയത്.
കേസിന്റെ വിചാരണ നടപടിക്ക് ദിലീപ് അടക്കമുള്ള പ്രതികള് ഇന്ന് ഹാജരാകണമെന്നായിരുന്നു നിര്ദേശം. ജുഡീഷ്യല് കസ്റ്റഡിയിലുള്ളവരടക്കം 12 പ്രതികളോടും നേരിട്ട് ഹാജരാകാനാണ് നേരത്തെ കോടതി ഉത്തരവിട്ടിരുന്നത്.
പ്രതികരിക്കാൻ ഇവിടെ എഴുതുക: