ഓസീസ് വനിതകള്‍ക്ക്എട്ട് വിക്കറ്റ് ജയം

Thursday 29 March 2018 2:24 am IST

മുംബൈ: ത്രിരാഷ്ട്ര ട്വന്റി 20 ടൂര്‍ണമെന്റിലെ അഞ്ചാം മത്സരത്തില്‍  ഓസ്‌ട്രേലിയന്‍ വനിതകള്‍ക്ക് ജയം. ഇംഗ്ലണ്ടിനെ അവര്‍ എട്ട് വിക്കറ്റിന് തോല്‍പ്പിച്ചു.

ടോസ് നേടി ഫീല്‍ഡ് ചെയ്ത ഓസീസ് വനിതകള്‍ ഇംഗ്ലണ്ടിനെ 17.4 ഓവറില്‍ 96 റണ്‍സിന് പുറത്താക്കി. മറുപടി പറഞ്ഞ ഓസീസ് 11.3 ഓവറില്‍ രണ്ട് വിക്കറ്റ് മാത്രം നഷ്ടപ്പെടുത്തി 97 റണ്‍സ് എടുത്തു.

എല്‍സി പെറിയും ക്യാപ്റ്റന്‍ ലാനിങ്ങിന്റെയും തകര്‍പ്പന്‍ ബാറ്റിങ്ങാണ് ഓസീസിന് വിജയമൊരുക്കിയത്. 32 പന്തില്‍ 47 റണ്‍സ് നേടിയ പെറിയും 28 പന്തില്‍ 41 റണ്‍സ് അടിച്ചെടുത്ത ലാനിങ്ങും പുറത്താകാതെ നിന്നു. പെറിയാണ് കളിയിലെ താരം. നേരത്തെ 25 റണ്‍സ് വഴങ്ങി പെറി ഒരു വിക്കറ്റും നേടിയിരുന്നു.

 

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.